Iâ-lī-bí-su 43

Iâ-lī-bí-su 43 - 現代台語譯本羅馬字版(TTVR)-闽南语

Iâ-lī-bí Siū Ah-khì Ai-ki̍p

1 Iâ-lī-bí tùi jîn-bîn thoân-ta̍t Siōng Chú — in ê Siōng-tè chhe-phài i kóng it-chhè ê ōe, kóng soah,

2Hô-sa-ngá ê kiáⁿ A-sat-lī-ngá, Ka-lī-a ê kiáⁿ Iok-hap-lân, kap só͘-ū kiau-ngō͘ ê lâng chiū tùi Iâ-lī-bí kóng, “Lí kóng pe̍h-chha̍t! Siōng Chú — lán ê Siōng-tè bô chhe-phài lí kóng ‘Lín bōe-ēng-tit khì Ai-ki̍p, kià-ku tī hia’,

3sī Nî-lī-a ê kiáⁿ Pa-lio̍k sái-lōng lí hoán-tùi goán, beh chiong goán kau hō͘ Pa-pí-lûn ê kun-tūi, hō͘ in kā goán thâi-sí, á-sī kā goán lia̍h-khì Pa-pí-lûn.”

4 Ka-lī-a ê kiáⁿ Iok-hap-lân, só͘-ū ê kun-koaⁿ, í-ki̍p choân-thé bîn-chiòng, m̄ thiaⁿ Siōng Chú ê ōe, bô beh tòa tī Iû-tāi-tōe.

5Ka-lī-a ê kiáⁿ Iok-hap-lân kap só͘-ū ê kun-koaⁿ tian-tò chiong Iû-tāi só͘-ū chhun--lo̍h-lâi ê lâng, chiū-sī tùi ta̍k-kok tò-tńg-lâi tòa tī Iû-tāi-tōe hiah-ê lâng,

6pau-koat ta-po͘-lâng, cha-bó͘-lâng, gín-á, ông ê cha-bó͘-kiáⁿ, kap sī-ōe-tiúⁿ Nî-pò͘-sat-la-tàn kau-tài hō͘ Sa-hoan ê sun, A-hi-kam ê kiáⁿ Ki-tāi-lī koán-lí ê lâng, í-ki̍p sian-ti Iâ-lī-bí kap Nî-lī-a ê kiáⁿ Pa-lio̍k,

7lóng chòe-hé chhōa-khì Ai-ki̍p kàu Tap-pí-le̍k. Iok-hap-lân kap i ê pō͘-hā bô thiaⁿ-thàn Siōng Chú ê ōe.

8Tī Tap-pí-le̍k, Siōng Chú tùi Iâ-lī-bí kóng,

9“Lí tio̍h tī Iû-tāi-lâng ê bīn-chêng the̍h kúi lia̍p tōa lia̍p chio̍h-thâu, tī Tap-pí-le̍k ê Hoat-ló ông-kiong mn̂g-kháu ê pho͘-chio̍h-lō͘, ēng he-thô͘ kā in tâi--khí-lâi;

10jiân-āu kā in kóng, ‘Siōng Chú — Bān-kun ê Thóng-sòe, Í-sek-lia̍t ê Siōng-tè án-ni kóng: Góa beh phài lâng khì kā góa ê po̍k-jîn Pa-pí-lûn-ông Nî-pò͘-kah-nî-sat chhōa--lâi, chiong i ê ông-ūi an tī hiah-ê chio̍h-thâu téng-bīn; i beh tī hit téng-bīn tah i chhia-iāⁿ ê pò͘-pîⁿ.

11I beh lâi kong-táⁿ Ai-ki̍p-tōe:

Chù-tiāⁿ sí--ê, ōe sí;

chù-tiāⁿ siū-lia̍h--ê, ōe siū-lia̍h;

chù-tiāⁿ sí tī to-ē--ê, ōe hō͘ lâng thâi-sí.

12Góa beh sio Ai-ki̍p ê sîn-biō. Pa-pí-lûn-ông beh kā Ai-ki̍p ta̍k-hāng chhiúⁿ-liáu-liáu, chhin-chhiūⁿ bo̍k-chiá teh kā gōa-phàu ê sat-bú pōaⁿ chheng-khì, koh kā hiah-ê sîn-siōng lóng the̍h-the̍h--khì, jiân-āu bô siū chó͘-tòng lī-khui Ai-ki̍p.

13I it-tēng ōe kòng-chhùi Ai-ki̍p thài-iông sîn-biō ê thiāu-siōng, pàng-hé sio Ai-ki̍p ê sîn-biō.’”

Iâ-lī-bí-su 43 - 現代台語譯本羅馬字版(TTVR)-闽南语

Learn More About Us