Si-phian 131 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.Óa-khò Siōng Chú

1Siōng Chú ah, góa ê sim bô kiau-ngō͘,

ba̍k-thâu bô koân;

tāi-chì siuⁿ tōa, chhiau-kè góa ê lêng-le̍k,

góa m̄-káⁿ chòe.

2Góa ê sim an-ún pêng-chēng,

chhin-chhiūⁿ tn̄g-lin ê eⁿ-á óa tī lāu-bú ê heng-chêng;

góa ê sim chhin-chhiūⁿ tn̄g-lin ê eⁿ-á an-ún pêng-chēng.

3 Í-sek-lia̍t ah, tio̍h gióng-bōng Siōng Chú,

tùi chit-sî sòa kàu éng-oán.

Learn More About Us