Si-phian 1 - 現代台語譯本羅馬字版(TTVR)-闽南语

TĒ-IT KOÀN (1-41 phiⁿ)Chin ê Hok-khì

1-2Bô thàn pháiⁿ-lâng ê kè-bô͘,

bô kiâⁿ chōe-jîn ê lō͘,

bô chē siat-to̍k-chiá ê ūi,

chí-ū ài-bō͘ Siōng Chú ê Lu̍t-hoat,

mî-ji̍t ia̍h tha̍k ia̍h siūⁿ I ê Lu̍t-hoat,

chit-khoán lâng chin ū hok-khì!

3I chhin-chhiūⁿ ké-chí-chhiū chai tī khoe-piⁿ,

chiàu-sî kiat ké-chí,

hio̍h mā bōe ta--khì;

i só͘ chòe ê it-chhè lóng heng-ōng.

4Pháiⁿ-lâng chiū m̄-sī án-ni;

i chhin-chhiūⁿ chho͘-khng hō͘ hong chhe sòaⁿ--khì.

5Só͘-í sím-phòaⁿ ê sî, pháiⁿ-lâng tī Siōng-tè bīn-chêng khiā bōe tiâu;

chōe-jîn tī gī-lâng ê hōe-tiong mā-sī án-ni.

6In-ūi gī-lâng ê tō-lō͘ Siōng Chú teh khòaⁿ-kò͘;

pháiⁿ-lâng chí-ū bia̍t-bông chi̍t tiâu lō͘.

Learn More About Us