Si-phian 111 - 現代台語譯本羅馬字版(TTVR)-闽南语

Tio̍h chheng-chàn Siōng Chú

1Ha-lé-lú-iah, chheng-chàn Siōng Chú!

Tī chèng-ti̍t ê lâng chū-chi̍p ê tāi-hōe tiong,

góa beh choân-sim kám-siā Siōng Chú.

2Siōng Chú ê chok-ûi chin kî-biāu,

ì-ài I chok-ûi ê lâng lóng hoaⁿ-hí chhâ-khó.

3I ê chok-ûi chun-kùi ui-giâm;

I ê kong-gī éng-oán chûn-sio̍k.

4Siōng Chú kiâⁿ kî-sū hō͘ lâng kì-liām;

I ū un-hūi, ū lîn-bín.

5I sù bí-niû hō͘ kèng-ùi I ê lâng;

I ōe éng-oán kì-tiâu I ê iok.

6I tùi I ê chú-bîn hián-bêng tōa koân-lêng ê chok-ûi,

chiong lia̍t-pang ê thó͘-tōe sù hō͘ in.

7I ê chhiú só͘ chòe--ê sìn-si̍t kong-pêng,

I ê lu̍t-lē khak-si̍t ū-hāu,

8éng-oán bōe kái-piàn,

chiàu sìn-si̍t kong-chèng chè-tēng.

9I kiù-sio̍k I ê chú-bîn,

kap in li̍p éng-oán ê iok.

I ê miâ sī sèng, thang kiaⁿ-ùi.

10Kèng-ùi Siōng Chú sī tì-hūi ê kun-pún,

chiàu án-ni chun-hêng chiah sī chhong-bêng.

Siōng Chú eng-kai éng-oán siū chheng-chàn!

Learn More About Us