Si-phian 23 - 現代台語譯本羅馬字版(TTVR)-闽南语

Tāi-pi̍t ê si.Siōng Chú Sī Góa ê Bo̍k-chiá

1Siōng Chú sī góa ê bo̍k-chiá,

góa bô khiàm pòaⁿ-hāng.

2I hō͘ góa tó tī chhiⁿ-chhùi ê chháu-po͘,

chhōa góa kàu chheng-chēng ê chúi-piⁿ.

3I hō͘ góa sin ê khùi-la̍t,

ūi-tio̍h I ê miâ chhōa góa kiâⁿ chèng-ti̍t ê lō͘.

4Góa sui-jiân keng-kè sí-ìm ê soaⁿ-kok,

mā m̄ kiaⁿ chai-hāi,

in-ūi lí kap góa tông-chāi;

lí ê kùn, lí ê koáiⁿ hō͘ góa an-ún chū-chāi.

5Tī góa tùi-te̍k ê bīn-chêng,

lí ūi-tio̍h góa pâi-siat iàn-se̍k;

lí ēng iû boah góa ê thâu-khak, khoán-thāi góa choh kùi-pin,

thîn góa ê poe kàu móa--chhut-lâi.

6Lí ê un-tián chû-ài it-tēng chi̍t-sì-lâng kap góa chòe phōaⁿ;

góa beh éng-oán tòa tī Siōng Chú lí ê chhù.

Learn More About Us