Si-phian 82 - 現代台語譯本羅馬字版(TTVR)-闽南语

A-sat ê si.Siōng-tè Sī Chì-koân ê Chú-cháiⁿ

1Siōng-tè tī thian-têng chú-chhî tāi-hōe,

tī chiòng-sîn ê hōe-tiong teh sím-phòaⁿ.

2“Lín bô chiàu kong-gī sím-phòaⁿ,

phian-thán pháiⁿ-lâng beh kàu sím-mi̍h sî?

3Lín tio̍h ūi sàn-chhiah-lâng kap ko͘-jî sin-oan,

ūi khùn-khó͘ khiàm-kheh ê lâng chú-chhî kong-tō.

4Tio̍h kái-kiù sàn-chhiah khiàm-kheh ê lâng,

hō͘ in thoat-lī pháiⁿ-lâng ê chhiú.

5“Lín m̄ chai, oân-choân bōe liáu-kái,

tī o͘-àm tiong kiâⁿ-lâi-kiâⁿ-khì;

kong-gī ê kun-ki lóng iô-choah.

6Góa bat kóng, ‘Lín sī sîn,

lóng sī Chì-koân Siōng-tè ê kiáⁿ;

7m̄-kú lín kap sè-kan-lâng siâng-khoán lóng ōe sí,

chhin-chhiūⁿ ta̍k-ê léng-siù ōe tó--lo̍h-khì.’”

8Siōng-tè ah, kiû lí khí-lâi sím-phòaⁿ sè-kài,

in-ūi bān-kok lóng sī lí ê.

Learn More About Us