Si-phian 129 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si.Kiû Siōng Chú Phah-pāi Tùi-te̍k

1 Í-sek-lia̍t tio̍h kóng, “Tùi góa sòe-hàn ê sî,

tùi-te̍k siông-siông khó͘-chhó͘ góa.

2Tùi góa sòe-hàn ê sî, tùi-te̍k siông-siông khó͘-chhó͘ góa,

m̄-kú in m̄-bat iâⁿ góa.

3Lôe-chhân ê lâng lôe góa ê ka-chiah-phiaⁿ,

lôe--kè ê hûn-jiah chin tn̂g.”

4Siōng Chú kong-gī;

I ū chām-tn̄g pháiⁿ-lâng pa̍k lán ê soh.

5Goān só͘-ū oàn-hūn Sek-an ê lâng

lóng siū phah-pāi kiàn-siàu.

6Goān in chhin-chhiūⁿ chhù-téng ê chháu,

iáu-bē tōa-châng chiū ta--khì,

7koah--ê koah bô kui-pé,

hâ--ê hâ bô kui-lám.

8Kè-lō͘ ê lâng bô lâng ōe kóng,

“Goān Siōng Chú sù lín hok-khì!

Goán hōng Siōng Chú ê miâ kā lín chiok-hok.”

Learn More About Us