Si-phian 133 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.Hiaⁿ-tī Chí-bē Hô-hó Khiā-khí

1Hiaⁿ-tī chí-bē chòe-hé khiā-khí,

jōa-á-ni̍h hó, jōa-á-ni̍h hoaⁿ-hí!

2Che thang pí-phēng kùi-khì ê iû thîn tī thâu-khak téng,

lâu kàu chhùi-chhiu —

A-lûn ê chhùi-chhiu;

koh lâu kàu i ê ām-niá.

3Che mā thang pí-phēng Hek-bûn-soaⁿ ê lō͘-chúi,

lo̍h kàu Sek-an ê soaⁿ-niá;

tī hia Siōng Chú ū èng-ún beh sù-hok,

sù éng-oán ê oa̍h-miā.

Learn More About Us