Si-phian 4 - 現代台語譯本羅馬字版(TTVR)-闽南语

Tāi-pi̍t ê si, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.Kiû Siōng-tè Pang-chān ê Boán-tó

1Ūi góa piān-hō͘ ê Siōng-tè ah,

góa kiû-kiò ê sî, kiû lí ìn góa.

Góa khùn-khó͘ ê sî, lí ū kā góa tháu-pàng;

taⁿ kiû lí lîn-bín góa, thiaⁿ góa ê kî-tó.

2Lín chiah-ê lâng ah, lín chiong góa ê chun-êng pìⁿ-chòe kiàn-siàu beh jōa kú?

Lín ì-ài khang-hu, tui-chhē hu-ké, beh kàu tī-sî?

3Tio̍h chai Siōng Chú í-keng hun-pia̍t kèng-khiân ê lâng chòe I ka-kī ê;

góa kiû-kiò Siōng Chú, I ōe thiaⁿ góa ê siaⁿ.

4Tio̍h kiaⁿ-hiâⁿ, m̄-thang hoān-chōe;

tī bîn-chhn̂g hioh-khùn ê sî, sim tio̍h an-chēng chū-séng.

5Tio̍h hiàn ha̍h Siōng-tè sim-ì ê chè;

mā tio̍h óa-khò Siōng Chú.

6Chin chōe lâng teh mn̄g, “Siáⁿ-lâng ōe-tàng hō͘ goán tit-tio̍h hok-khì?”

Siōng Chú ah, kiû lí ēng lí bīn ê kng chiò goán.

7Lí hō͘ góa sim-lāi ū hoaⁿ-hí,

iâⁿ-kè lâng tit-tio̍h chin chōe ngó͘-kok kap sin-chiú.

8Góa beh an-jiân tó-teh khùn,

in-ūi chí-ū Siōng Chú lí ōe hō͘ góa an-ún khiā-khí.

Learn More About Us