Í-sài-a-su 12 - 現代台語譯本羅馬字版(TTVR)-闽南语

Kám-un ê Si-koa

1Tī hit-ji̍t, lí ōe kóng:

Siōng Chú, góa kám-siā lí;

sui-jiân lí ū tùi góa hoat siū-khì,

m̄-kú lí ê siū-khì í-keng soah,

lí ū kā góa an-ùi.

2Khòaⁿ ah, Siōng-tè sī góa ê chín-kiù;

góa óa-khò I, lóng bōe kiaⁿ-hiâⁿ.

Siōng Chú sī góa ê khùi-la̍t, góa ê si-koa;

I it-ti̍t sī góa ê chín-kiù.

3Lín ōe tùi chín-kiù ê chíⁿ

hoaⁿ-hí khoài-lo̍k chhiūⁿ-chúi.

4Tī hit-ji̍t lín ōe kóng:

Tio̍h chheng-chàn Siōng Chú, kiû-kiò I ê miâ;

tio̍h tùi bān-bîn soan-iông I ê chok-ûi.

Tio̍h soan-pò͘: I ê miâ eng-kai siū chun-chông.

5Tio̍h gîm-si chheng-chàn Siōng Chú,

in-ūi I ū kî-biāu ê chok-ûi;

tio̍h tùi choân sè-kài soan-iông chit-ê tāi-chì.

6Lín Sek-an ê chū-bîn ah, tio̍h hoan-ho͘, tōa-siaⁿ chhiùⁿ-koa,

in-ūi tī lín tiong-kan ê Í-sek-lia̍t sîn-sèng ê Siōng-tè siōng úi-tāi.

Learn More About Us