Í-se-kiat-su 15

Í-se-kiat-su 15 - 現代台語譯本羅馬字版(TTVR)-闽南语

Phû-tô-chhiū ê Phì-jū

1Siōng Chú tùi góa kóng,

2“Jîn-chú, phû-tô-chhiū kiám ū pí kî-tha ê chhiū khah hó? Phû-tô chhiū-ki kiám ōe pí chhiū-nâ lāi kî-tha ê chhiū-ki khah ū lō͘-ēng?

3Phû-tô chhiū-ki kiám ōe-tàng the̍h-lâi chòe sím-mi̍h? I kiám ōe-tàng chòe kòa mi̍h-kiāⁿ ê chhâ-teng-á?

4I kan-ta ōe-tàng hiâⁿ-hé. I nn̄g thâu lóng to̍h-hé, tiong-kho͘ mā sio--khí-lâi, kiám iáu ū sím-mi̍h lō͘-ēng?

5I hó-hó ê sî to bô sím-mi̍h lō͘-ēng, taⁿ hō͘ hé sio, sio kah chhàu-ta, kiám iáu ōe-tàng the̍h-lâi chòe sím-mi̍h?”

6Só͘-í, Chì-koân ê Siōng Chú án-ni kóng, “Góa án-chóaⁿ hō͘ chhiū-nâ lāi ê phû-tô-chhiū chòe hé-chhâ sio, mā beh án-ni tùi-thāi Iâ-lō͘-sat-léng ê chū-bîn.

7Góa beh pìⁿ-bīn kap in choh-tùi; in sui-jiân tùi hé-tiong cháu--chhut-lâi, hé iû-goân beh kā in sio-bia̍t. Góa tùi in pìⁿ-bīn ê sî, lín chiū chai góa sī Siōng Chú.

8In-ūi in tùi góa put-tiong, só͘-í góa beh hō͘ in ê thó͘-tōe pha-hng.” Chì-koân ê Siōng Chú án-ni soan-kò.

Í-se-kiat-su 15 - 現代台語譯本羅馬字版(TTVR)-闽南语

Learn More About Us