Si-phian 136

Si-phian 136 - 現代台語譯本羅馬字版(TTVR)-闽南语

Kám-un ê Si

1Tio̍h kám-siā Siōng Chú, in-ūi I chì-siān;

I ê chû-ài éng-oán chûn-sio̍k.

2Tio̍h kám-siā bān-sîn ê Sîn;

I ê chû-ài éng-oán chûn-sio̍k.

3Tio̍h kám-siā bān-chú ê Chú;

I ê chû-ài éng-oán chûn-sio̍k.

4Chí-ū I chòe kî-biāu tōa-sū;

I ê chû-ài éng-oán chûn-sio̍k.

5I ēng tì-hūi chhòng-chō thiⁿ;

I ê chû-ài éng-oán chûn-sio̍k.

6I kā tōe pho͘ tī chúi ê téng-bīn;

I ê chû-ài éng-oán chûn-sio̍k.

7I chhòng-chō tōa ê kng-thé;

I ê chû-ài éng-oán chûn-sio̍k.

8I ēng ji̍t-thâu koán-lí ji̍t--sî;

I ê chû-ài éng-oán chûn-sio̍k.

9I ēng ge̍h kap chhiⁿ koán-lí mî--sî;

I ê chû-ài éng-oán chûn-sio̍k.

10I phah-sí Ai-ki̍p-lâng ê tōa-kiáⁿ;

I ê chû-ài éng-oán chûn-sio̍k.

11I chhōa Í-sek-lia̍t-lâng tùi in tiong-kan chhut--lâi;

I ê chû-ài éng-oán chûn-sio̍k.

12I chhun-chhut tōa koân-lêng ê chhiú;

I ê chû-ài éng-oán chûn-sio̍k.

13I kā Âng-hái pun-khui;

I ê chû-ài éng-oán chûn-sio̍k.

14I chhōa Í-sek-lia̍t tùi hit tiong-kan kè--khì;

I ê chû-ài éng-oán chûn-sio̍k.

15I chiong Hoat-ló kap i ê kun-peng hiat-lo̍h Âng-hái;

I ê chû-ài éng-oán chûn-sio̍k.

16I chhōa I ê chú-bîn keng-kè khòng-iá;

I ê chû-ài éng-oán chûn-sio̍k.

17I phah-sí hiah-ê tōa kun-ông;

I ê chû-ài éng-oán chûn-sio̍k.

18I thâi-sí kiông koh ióng ê ông;

I ê chû-ài éng-oán chûn-sio̍k.

19I thâi-sí A-mô͘-lī-ông Se-hông;

I ê chû-ài éng-oán chûn-sio̍k.

20I thâi-sí Pa-san-ông Go̍k;

I ê chû-ài éng-oán chûn-sio̍k.

21I chiong in ê thó͘-tōe sù hō͘ I ê chú-bîn chòe sán-gia̍p;

I ê chû-ài éng-oán chûn-sio̍k.

22I sù sán-gia̍p hō͘ I ê po̍k-jîn Í-sek-lia̍t;

I ê chû-ài éng-oán chûn-sio̍k.

23I tī lán siū khut-jio̍k ê sî bô bōe-kì-tit lán;

I ê chû-ài éng-oán chûn-sio̍k.

24I kái-kiù lán thoat-lī tùi-te̍k;

I ê chû-ài éng-oán chûn-sio̍k.

25I sù chia̍h-mi̍h hō͘ só͘-ū ê oa̍h-mi̍h;

I ê chû-ài éng-oán chûn-sio̍k.

26Tio̍h kám-siā thiⁿ-téng ê Siōng-tè;

I ê chû-ài éng-oán chûn-sio̍k.

Si-phian 136 - 現代台語譯本羅馬字版(TTVR)-闽南语

Learn More About Us