Si-phian 124 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.Siōng Chú Sī Lán ê Pó-hō͘-chiá

1 Í-sek-lia̍t tio̍h kóng,

“Nā m̄-sī Siōng Chú ūi lán,

2nā m̄-sī Siōng Chú ūi lán,

lâng khí-lâi kong-kek lán,

3tùi lán hoat siū-khì ê sî,

chá chiū kā lán oa̍h-oa̍h thun--lo̍h-khì.

4Tōa-chúi chá chiū kā lán chhiong cháu,

tōa-éng chá chiū im-ba̍t lán,

5hiong-kông ê chúi chá chiū kā lán im-sí.”

6Lán tio̍h chheng-chàn Siōng Chú,

in-ūi I bô chiong lán kau hō͘ tùi-te̍k thiah-chia̍h-lo̍h-pak.

7Lán ê sìⁿ-miā chhin-chhiūⁿ chiáu-á thoat-lī lia̍h-chiáu ê lâng ê lô-bāng;

lô-bāng phòa-li̍h, lán tit-tio̍h tô-thoat.

8Lán tit-tio̍h pang-chān sī khò Siōng Chú ê miâ;

I sī thiⁿ-tōe ê Chhòng-chō-chú!

Learn More About Us