Si-phian 87 - 現代台語譯本羅馬字版(TTVR)-闽南语

Khó-la hō͘-tāi ê si-koa.Sek-an Sī Hok-khì ê Goân-thâu

1Siōng Chú tī sèng-soaⁿ khí-chō ka-kī ê siâⁿ.

2Siōng Chú ì-ài Sek-an ê siâⁿ-mn̂g,

iâⁿ-kè Í-sek-lia̍t lóng-chóng khiā-khí ê só͘-chāi.

3Siōng-tè ê siâⁿ ah,

hiah-ê thang khoa-iāu ê sū sī chí lí kóng--ê.

4Góa beh chiong Ai-ki̍p kap Pa-pí-lûn lia̍t-ji̍p bat góa ê bîn-cho̍k lāi-bīn;

khòaⁿ ah, Hui-lī-sū, Thài-ní, Kó͘-si̍t,

in ta̍k-ê lóng tī chia chhut-sì.

5Koan-hē Sek-an, lâng beh kóng,

“Chit-ê, hit-ê, lóng tī chia chhut-sì;

Chì-koân-chiá beh chhin-sin hō͘ Sek-an éng-oán kian-kò͘.”

6Siōng Chú tiàu bān-cho̍k lâi teng-kì ê sî,

I ōe kì-lio̍k kóng, “Chit-ê lâng chhut-sì tī hia.”

7Chhiùⁿ-koa--ê, thiàu-bú--ê lóng kóng,

“Sek-an sī góa hok-khì ê goân-thâu.”

Learn More About Us