Si-phian 125 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si.Ūi Chú-bîn Kiû An-choân

1Óa-khò Siōng Chú ê lâng

chhin-chhiūⁿ Sek-an-soaⁿ éng-oán kian-kò͘ bōe iô-choah.

2Chèng-soaⁿ pau-ûi Iâ-lō͘-sat-léng,

Siōng chú mā án-ni pó-hō͘ I ê chú-bîn, tùi chit-sî kàu éng-oán.

3Siâ-ok-chiá ê koân-pèng bōe kè-sio̍k koán-hat gī-lâng ê thó͘-tōe,

chiah bián gī-lâng siū-pek chòe pháiⁿ.

4Hiah-ê chòe hó, sim chèng-ti̍t ê lâng,

Siōng Chú ah, kiû lí un-thāi in.

5M̄-kú kiâⁿ ǹg oan-khiau ê lō͘ ê lâng,

Siōng Chú ōe kā in kap chòe pháiⁿ ê lâng chòe-hé hêng-hoa̍t.

Goān hô-pêng kui hō͘ Í-sek-lia̍t!

Learn More About Us