Iâ-lī-bí-su 45

Iâ-lī-bí-su 45 - 現代台語譯本羅馬字版(TTVR)-闽南语

Siōng Chú Èng-ún Pa-lio̍k

1 Iok-se-a ê kiáⁿ Iok-ngá-kèng choh Iû-tāi-ông tē-sì nî, Nî-lī-a ê kiáⁿ Pa-lio̍k chiong sian-ti Iâ-lī-bí só͘ thoân ê sìn-sit kì tī chheh--ni̍h. Hit-sî Iâ-lī-bí kā Pa-lio̍k kóng,

2“Pa-lio̍k ah, Siōng Chú — Í-sek-lia̍t ê Siōng-tè án-ni kóng,

3‘Lí ū teh kóng: Góa ū-kàu chhám; Siōng Chú tī góa thòng-khó͘ ê sî koh ke-thiⁿ góa ê iu-chhiû. Góa thó͘-khùi thó͘ kah chin siān, mā bô thang ū chi̍t-si-á an-hioh.’”

4Siōng-tè hoan-hù Iâ-lī-bí tio̍h kā Pa-lio̍k kóng, “Siōng Chú án-ni kóng, ‘Góa beh thiah-húi góa só͘ tiông-kiàn--ê, kā góa só͘ chai-chèng--ê pu̍ih--khí-lâi; tī choân-tōe góa lóng beh án-ni chòe.

5Lí teh ūi ka-kī tô͘-bô͘ tōa-sū sī--bô? M̄-thang tô͘-bô͘. Khòaⁿ leh, góa beh kàng chai-hō hō͘ só͘-ū ê jîn-lūi. M̄-kú lí bô-lūn khì tó-ūi, góa lóng ōe pó-choân lí ê sìⁿ-miā.’ Siōng Chú án-ni soan-kò.”

Iâ-lī-bí-su 45 - 現代台語譯本羅馬字版(TTVR)-闽南语

Learn More About Us