1Auā o faitaulaga sili uma lava ua filifilia mai i tagata, ua tofia i latou mo tagata i mea a le Atua, ina ia faitaulaga i latou i mea alofa ma taulaga ona o agasala,
2latou te mafaia ona agamalu i e ua valelea ma e ua sese, ina ua siosiomia foi i latou i le vaivai;
3ona o lenei mea foi e tusa ona faitaulaga ai o i latou e totogi a‘i agasala a le nuu, ia faapea foi ona fai mo i latou lava.
4E le fai fua foi e se tasi lenei faiva mamalu, tau o le ua filifilia e le Atua, e faapei o Arona foi.
5E faapea foi Keriso na le faamaualugaina o ia e ia ina ia fai o ia ma faitaulaga sili, a o ia sa fetalai mai ia te ia, O lo‘u atalii oe, ua ou fanaua oe i le aso nei.
6E pei ona fetalai mai ai foi o ia i le tasi upu, O le faitaulaga oe e faavavau, e uiga faatasi ma Mekisateko.
7O ia lenei sa tatalo atu i ona po na tino tagata mai ai, ma aioi atu ma le tagi tele ma loimata i le na mafaia ona faaola ia te ia nai le oti, na faafofogaina foi o ia i le mea na ia fefe ai.
8E ui lava o ia o le Alo, a o mea sa tiga ai o ia na a‘oa‘oina ai o ia ia usiusitai,
9ua faaatoatoaina foi o ia, ona avea ai lea o ia ma tupuga o le ola e faavavau ia i latou uma o e usiusitai ia te ia;
10ua ta‘ua e le Atua o le faitaulaga sili, e uiga faatasi ma Mekisateko.
11Ua ia i matou upu e tele ia te ia, e faigata foi ona faamatalaina, ina ua avea outou ma tagata a‘oa‘ogata.
12Auā foi ana fai outou ma a‘oa‘o po ua tatau ai ina ua leva, a e ao ina toe a‘oa‘oina outou e se tasi i mataupu muamua o le afioga a le Atua; ua avea foi outou ma e o tusa i ai le suāsusu, a e le o mea aano.
13Auā o i latou uma ua faasusuina i le sua susu, e le atamamai i latou i le upu o le amiotonu; auā o tama meamea i latou;
14a o mea aano, mā e matutua ia, o i latou ua masani ona lagona ina ua a‘oa‘osooina e iloa ai le lelei ma le leaga.
Who We AreWhat We EelieveWhat We Do
2025 by iamachristian.org,Inc All rights reserved.
