1Oi talofa i e ō ifo i Aikupito e saili ai le fesoasoani; ma latou faalagolago i solofanua, ma latou faatuatua i kariota, auā e tele ia; ua faatuatua foi i e tietie i solofanua, auā e matuā malolosi i latou; a ua latou le faalagolago i le Paia o Isaraelu, ma latou le sailiili ia Ieova.
2A e poto lava o ia, e faaoo e ia le leaga; e le faafoisia mai e ia ana afioga; a e tulai atu ia e tau ma le aiga o e ua amio leaga, e tau foi ma e fesoasoani i e fai mea leaga.
3O Aikupito o tagata lava i latou, e le o le Atua; o a latou solofanua foi o tino i latou, a e le o agaga. E faaloaloa e Ieova lona aao, ona tausuai ai lea o e fesoasoani mai, e pauu foi e ua maua le fesoasoani; e faatau faaumatia i latou uma lava.
4Auā o loo faapea ona fetalai mai o Ieova ia te au, E pei ona gu o le leona, o le leona taanoa foi i lana mea ua saeia, pe a faapotopotoina leoleo mamoe e toatele e fasi ia te ia, e le fefe ia i a latou alalaga, e le mata‘u foi ia i lo latou toatele; e faapea ona afio ifo o Ieova o ‘au, e tau ona o le mauga o Siona, o lona lava mauga.
5E pei ona ofaofatai o manu i a latou tama, e faapea foi ona faamamaluina o Ierusalema e Ieova o ‘au; o loo faamamaluina, ma laveaiina o loo faasaoina, ma faaolaina.
6Toe foi ia outou ia te ia, o loo ua outou matuā o ese ai, o outou le fanauga a Isaraelu.
7Auā o le aso lava lea e taitasi i latou ma tiai ai ana tupua ario ma ana tupua auro, na faia mo outou e o outou lima e agasala ai.
8E oti foi Asuria i le pelu, a e le o le pelu o le tagata; e faaumatia foi o ia i le pelu, a e le o le pelu a le tagata ola; e sola ese ia i le pelu, o ona taulelea foi latou te avatu taulaga.
9E alu ane o ia i lona ‘olo i le mata‘u, e fefefe alii ua ia te ia i le tagavai; o loo fetalai mai ai Ieova o le ua i Siona lana afi, ma lana ogaumu ua i Ierusalema.
Who We AreWhat We EelieveWhat We Do
2025 by iamachristian.org,Inc All rights reserved.
