1Ona tali mai ai lea o Pilitati le Sua, ua faapea mai,
2E te tautala i na upu seia afea? E fai foi ma matagi tetele o upu a lou fofoga seia afea?
3Pe faapiopioina ea e le Atua le faamasinoga? Pe faapiopioina ea mea tonu e Le e ona le malosi uma lava?
4Afai na agasala atu lau fanau ia te ia, ma ua lafoaiina i latou e ia i a latou solitulafono?
5Afai e te matuā saili atu i le Atua, ma aioi atu i Le e ona le malosi uma lava;
6afai ua e lelei ma e amio sa‘o, e maleifua mai lava nei o ia ona o oe, e faasaogalemu foi e ia le fale e fai ai lau amiotonu.
7E ui lava ina itiiti lou amataga, a e matuā faateleina lou aiga.
8Auā ina e fesili atu ia i le tupulaga na muamua, ma ia e matuā suesue i o latou mātua.
9Auā o i tatou o tagata ananafi, ua tatou le iloa; auā o tatou aso i le lalolagi o le ata ia.
10Latou te le a‘oa‘o mai ea ia te oe, ma ta‘u mai ia te oe, ma fai mai upu ai o latou loto?
11Pe tupu mai ea le kome a le o iai se palapala? Pe tupu mai ea le utuutu a le o iai se vai?
12A o lauolaola, ma le le salaina, e muamua ona mamae i vao iti uma.
13E faapea lava ala o i latou uma o e faagalogalo i le Atua; e faaumatia foi le faamoemoe o le tagata faalemata‘u.
14E vavaeeseina lona faamoemoe, o lona faatuatuaga foi o le fale o le apogaleveleve lea.
15E faalagolago o ia i lona fale, a e le mau; e taofimauina ai e ia, a e le tumau.
16Ua tupu olaola o ia, a o le laina, ua tupu foi ona tatupu i lana faatoaga.
17Ua feuiuiai ona aa i le faaputugāmaa, ua iloa foi le mea o i ai maa.
18E faaumatia lava o ia ai le mea o i ai o ia, ona faafiti ai lea ia te ia, e faapea atu, Ou te le iloa oe.
19Faauta, o le olioli lea i lona ala, e tutupu foi nisi mai le eleele.
20Faauta, e le lafoaiina e le Atua le ua sao lana amio, na te le taofia ae foi lima o e amio leaga.
21Seia faatumuina e ia lou fofoga i le ‘ata‘ata, ma ou laufofoga i le alaga fiafia.
22E faaofuina i le mā o e ua ‘ino‘ino mai ia te oe, o le fale ie o e amio leaga, e leai lea.
Who We AreWhat We EelieveWhat We Do
2025 by iamachristian.org,Inc All rights reserved.
