1Ua ou tepa ae foi i luga, ua ou vaai, faauta, o le tagata ma le maea e fua a‘i i lona lima.
2Ona ou fai atu ai lea, Po o fea e te alu i ai? Ua fai mai o ia ia te au, Ou te alu, ou te fuatia Ierusalema, ia iloa pe faapefea lona lautele, pe faapefea foi lona umi.
3Faauta foi, ua alu atu le agelu na ma tautala; o le tasi agelu foi ua alu ane e faafetaiai ia te ia.
4Ua ia fai ane ia te ia, Momo‘e ia, ina fai atu i lena taulealea, ia faapea atu, E āina Ierusalema e oo i faoa aai, ona o le tele o tagata ma manu e i ai.
5O a‘u foi, ua fetalai mai Ieova, e fai a‘u ma pa afi e siosio a‘i, e fai foi a‘u ma pupula i totonu ia te ia.
6Sole e! sole e! sosola mai ia outou, ai le nuu i le itu i matu, ua fetalai mai ai Ieova; auā na ou faataapeape ia te outou, e pei o matāmatagi e fa, ua fetalai mai ai Ieova.
7E! Siona e, ia e laveai oe ia te oe, o lē nofo faatasi ma le tama fafine a Papelonia.
8Auā o loo faapea ona fetalai mai o Ieova o ‘au, E mulimuli ane i le mamalu, ua ia auina mai o a‘u i nuu ese na vetea a outou mea; auā o lē pai atu ia te outou, ua pāia e ia le tamatamai mata o lona fofoga.
9Auā faauta, ou te siisii atu lo‘u lima i luga ia te i latou; e fai foi i latou ma vete i o latou pologa; ona outou iloa lea, ua auina mai a‘u e Ieova o ‘au.
10Le tama fafine a Siona e, ia e alaga, ma ia olioli; auā faauta, ou te alu atu, ma ou nofo i totonu ia te oe, ua fetalai mai ai Ieova.
11E faaopoopoina atu nuu ese e tele ia Ieova i lea aso; e fai i latou mo‘u nuu, ou te nofo foi i totonu ia te oe; ona e iloa ai lea ua auina a‘u ia te oe e Ieova o ‘au.
12E maua e Ieova o Iuta, o lona tofi i le laueleele paia; e toe filifilia foi e ia o Ierusalema.
13Faalologo ia o tagata uma i luma o Ieova; auā ua tulai mai o ia nai lona malumalu paia.
Who We AreWhat We EelieveWhat We Do
2025 by iamachristian.org,Inc All rights reserved.
