1Ona tali atu ai lea o Iopu, ua faapea atu,
2Ua faapefea ea ona e fesoasoani i le ua leai sona malosi, ma faamalosia le lima vaivai?
3Ua faapefea ea ona e faatonu i le ua leai sona poto, ma faailoa tele mai le tonu?
4Ua e ta‘u mai ea ia upu ia te ai? Se atamai ea o ai ua oo mai mai ia te oe?
5E gatete agaga o e ua oti ua i lalo, o le moana foi atoa ma mea o i ai.
6Ua taatia fua seoli i ona luma, e leai foi se ufiufi o le mea o i ai le malaia.
7Ua ia folasia le itu i matu i luga o le va nimonimo, ua ia tautauina le lalolagi, a e leai se tautaulaga.
8Ua ia ‘ofu‘ofuina vai i ona ao uliuli, a e le masae le ao i ona lalo.
9Ua ia puipuia luma o lona nofoālii, ua ia fofola ifo lona ao i ona luga.
10Ua tusi faataaliolio e ia tuluiga o le fogātai, e oo i le gataaga o le malamalama atoa ma le pouliuli.
11Ua luluina pou tu o le lagi, ua fememeai foi i ana aoaiga.
12O lona mana na te faamalūina ai le sami, o lona poto foi na te taia ai lona faamaualuga.
13O lona agaga ua ia faamatagofie ai le lagi; ua manua foi i lona aao le gata televave.
14Faauta, o mea aupito mai ia a ona ala, a e matuā itiiti se mea ua tatou lagona ia te ia; a o le faititili o lona malosi, o ai se lagona lea?
Who We AreWhat We EelieveWhat We Do
2025 by iamachristian.org,Inc All rights reserved.
