ESERA, 2 - Samoan Old Version Bible

O LE MATAUPU II.O tagata na o ae ai Papelonia i Ierusalema.

1O i latou nei o tagata o le itu malo na o ae nai le tafeaga, o le tafeaga lea na avea i Papelonia e Nepukanesa le tupu o Papelonia, na latou toe foi mai foi i Ierusalema ma Iuta, taitasi le tagata ma lana aai;

2o e na o mai faatasi ma Serupapelu; o Iosua, o Neemia, o Seraia, o Reelaia, o Moretekai, o Pilesana, o Mesepara, o Pikevai, o Rekuma, o Paana. O le faitau aofai o tagata o le nuu o Isaraelu; o le fanauga a Parose,

3e lua afe e toaselau e toafitugafulu ma le toalua.

4O le fanauga a Sefatia, e toatolu selau e toafitugafulu ma le toalua.

5O le fanauga a Araka, e toafitu galau ma le toafitugafulu ma le toalima.

6O le fanauga a Pakamoapi, o le fanauga ia a Iesua ma Ioapo, e lua afe e valu selau e toatinoagafulu ma le toalua.

7O le fanauga a Elama, e toaafe e toalua lau e toalimagafulu ma le toafa.

8O le fanauga a Satu, e iva selau e toafagafulu ma le toalima.

9O le fanauga a Sakai, e fitu selau ma le toaonogafulu.

10O le fanauga a Pani, e ono selau e toafagafulu ma le toalua.

11O le fanauga a Pepai, e ono selau e toaluafulu ma le toatolu.

12O le fanauga a Asekata, e toaafe e toalua lau e toaluafulu ma le toalua.

13O le fanauga a Atonikama, e ono selau e toaonogafulu ma le toaono.

14O le fanauga a Pikevai, e lua afe e toalimagafulu ma le toaono.

15O le fanauga a Atini, e fa selau e toalimagafulu ma le toafa.

16O le fanauga a Atere mai ia Esekia, e toaivagafulu ma le toavalu.

17O le fanauga a Pesai, e tolu selau e toaluafulu ma le toatolu.

18O le fanauga a Iora, e toaselau e toatinoagafulu ma le toalua.

19O le fanauga a Hasumu, e toalua lau e toaluafulu ma le toatolu.

20O le fanauga a Kipara, e toaivagafulu ma le toalima.

21O tagata o Peteleema, e toaselau e toaluafulu ma le toatolu.

22O tagata o Netopa, e toalimagafulu ma le toaono.

23O tagata o Anatota, e toaselau e toaluafulu ma le toavalu.

24O le fanauga a Asemau, e toafagafulu ma le toalua.

25O tagata o Kiriata-arima, o Kafira, ma Perota, e fitu selau ma le toafagafulu ma le toatolu.

26O tagata o Rama ma Kipea, e toaono selau e toaluafulu ma le toatasi.

27O tagata o Mekemase, e toaselau e toaluafulu ma le toalua.

28O tagata o Peteli ma Ai, e toalua lau e toaluafulu ma le toatolu.

29O tagata o Nepo, e toalimagafulu ma le toalua.

30O tagata o Magapise, e toaselau e toalimagafulu ma le toaono.

31O le fanauga a le isi Elama, e toaafe e toalua lau e toalimagafulu ma le toafa,

32O le fanauga a Harima, e tolu selau ma le toaluafulu.

33O tagata o Loto, ma Hatito, ma Ono, e fitu selau e toaluafulu ma le toalima.

34O tagata o Ieriko, e tolu selau e fa sefulu ma le toalima.

35O tagata o Senaa, e tolu o afe ma le toaono galau ma le toatolugafulu.

36O le au faitaulaga; o le fanauga a Ietaia, o le aiga o Iesua, e iva selau e toafitugafulu ma le toatolu.

37O le fanauga a Imere, e toaafe e toalimagafulu ma le toalua.

38O le fanauga a Pasura, e toaafe e toalua lau e toafagafulu ma le toafitu.

39O le fanauga a Harima, e toaafe e toasefulu ma le toafitu.

40O sa Levi; o le fanauga a Iesua ma Katameeli, o le fanauga ia a Hotavia, e toafitugafulu ma le toafa.

41O le au pepese; o le fanauga a Asafo, e toaselau e toaluafulu ma le toavalu.

42O le fanauga a le au leoleo faitotoa; o le fanauga a Saluma, o le fanauga a Atere, o le fanauga a Talemoni, o le fanauga a Akupa, o le fanauga a Hatita, o le fanauga a Sopai, o i latou uma e toaselau e toatolugafulu ma le toaiva.

43O le au netini; o le fanauga a Seka, o le fanauga a Hasufi, o le fanauga a Tapaota,

44o le fanauga a Kirosa, o le fanauga a Seaa, o le fanauga a Patono,

45o le fanauga a Lepana, o le fanauga a Hakepa, o le fanauga a Akupa,

46o le fanauga a Hakapa, o le fanauga a Salemai, o le fanauga a Hanana,

47o le fanauga a Kitele, o le fanauga a Gakara, o le fanauga a Reaia,

48o le fanauga a Resina, o le fanauga a Nekota, o le fanauga a Gasama,

49o le fanauga a Usa, o le fanauga a Pasea, o le fanauga a Pesai,

50o le fanauga a Asena, o le fanauga a Meunima, o le fanauga a Nefasemo,

51o le fanauga a Pakepuka, o le fanauga a Hakupa, o le fanauga a Harekuru,

52o le fanauga a Paseluta, o le fanauga a Mekita, o le fanauga a Haresa,

53o le fanauga a Parekusa, o le fanauga a Sesera, o le fanauga a Timaka,

54o le fanauga a Neseka, o le fanauga a Hatifa.

55o le fanauga a auauna a Solomona; o le fanauga a Sotai, o le fanauga a Soferete, o le fanauga a Feruta, o le fanauga a Iaala,

56o le fanauga a Tarekono, o le fanauga a Kitele, o le fanauga a Sefatia,

57o le fanauga a Hatili, o le fanauga a Pokerete o le Sepaima, o le fanauga a Ame.

58O le au netini uma, ma le fanauga a auauna a Solomona, e tolu selau e toaivagafulu ma le toalua.

59O i latou nei foi e na o ae ai Telemelaka, ma Tele-aresa, ma Kirova, ma Atana, ma Imere; a ua le mafaia e i latou tama, ma lo latou tupuga, pe ni Isaraelu i latou;

60o le fanauga a Talaia, o le fanauga a Tovia, o le fanauga a Nekota, e ono selau e toalimagafulu ma le toalua.

61O isi fanauga foi a le au faitaulaga; o le fanauga a Hapaia, o le fanauga a Kosa, o le fanauga a Pasili o le na fai avā i le afafine o Pasili le Kiliata, sa igoa foi o ia i lo latou igoa;

62o i latou ia na latou sailiili i lo latou tusiga i e na tusia o latou tupuga, a e lei maua; sa ta‘ua ai i latou ua leaga, ua te‘a ai ma le faiva o faitaulaga.

63Na fai atu foi ia te i latou le alii e pule, aua ne‘i aai i latou i mea e sili ona paia, seia tu mai se faitaulaga ma le Urima ma le Tumema.

64O le aofai o le faapotopotoga uma, e fa sefulu o afe ma afe e lua ma le tolu selau ma le toaono-gafulu;

65a o a latou auauna tane ma a latou auauna fafine, o i latou ia e fitu afe e tolu selau e toatolugafulu ma le toafitu; sa ia te i latou foi o tane pepese ma fafine pepese e toalua selau.

66O a latou solofanua e fitu selau e tolugafulu ma le ono; o a latou falata e lua selau e fagafulu ma le lima;

67o a latou kamela e fa selau e tolugafulu ma le lima; o a latou asini e ono o afe e fitu selau ma le luafulu.

68O isi foi o matai sili, ua latou oo mai i le fale o Ieova o i Ierusalema ona fai taulaga lea ma le loto mo le fale o le Atua ina ia faatuina ai i lona tulafale.

69Ua latou foai e tusa ma a latou mea i le oloa mo le galuega, o auro e ono sefulu o afe ma le afe e tasi o tareki; ma ario e lima afe o mina; ma ofu tino o faitaulaga e selau.

70Sa nonofo foi le au faitaulaga, ma sa Levi, ma isi o le nuu, ma le au pepese, ma le au leoleo faitotoa, ma le au netini, i a latou aai, ma Isaraelu uma i a latou aai.