NUMERA 7 - Samoan Old Version Bible

O LE MATAUPU VII.O taulaga a alii sili o Isaraelu i le fale fetafai.

1Ua oo i le aso na uma ai ona faatuina e Mose o le malumalu, ma na faauuina, ma faapaiaina ai, ma mea uma o i ai, o le fata faitaulaga foi ma ana mea uma na ia faauuina ai, ma faapaiaina;

2ona fai taulaga ai lea o alii sili o Isaraelu, o matai o aiga o latou tamā, o alii sili i latou i itu aiga, o e na pule i e na faitaulia,

3ua latou au mai a latou taulaga i luma o Ieova, o fata faataavalevale ua ufitia e ono, ma povi e sefulu ma le lua; o alii e taitoalua ma le fata faataavalevale e tasi, ma a latou povi e taitasi; ua latou au mai ai i luma o le malumalu.

4Ona fetalai mai ai lea o Ieova ia Mose, ua faapea mai,

5Ia e talia ia mea mai ia te i latou, ina ia fai a‘i le galuega o le fale fetafai o le faapotopotoga; e te tuuina atu ai i sa Levī, o le tagata ma le mea e tatau i lana galuega.

6Ona talia lea e Mose o fata faataavalevale ma povi, ma tuu atu ai i sa Levī.

7O fata faataavalevale e lua ma povi e fa na ia tuuina atu ai i le fanauga a Keresoma, e faatatau i la latou galuega.

8O fata faataavalevale e fa ma povi e valu na ia tuuina atu ai i le fanauga a Merari, e faatatau i la latou galuega, i le pule a Itamaro le atalii o Arona le ositaulaga.

9A o le fanauga a Koato na ia le tuuina atu i ai se mea; auā o le galuega o le malumalu na ia te i latou, latou te tauave ai i o latou ua.

10Ua fai taulaga foi alii sili i le faasaina o le fata faitaulaga i le aso na faauuina ai, ua avatu ai e alii sili a latou taulaga i luma o le fata faitaulaga.

11Ona fetalai mai ai lea o Ieova ia Mose, E taitasi le alii sili ma lona aso latou te au mai ai a latou taulaga i le faasaina o le fata faitaulaga.

12O le na au mai lana taulaga i le uluai aso, o Naasona lea o le atalii o Aminatapu, o le itu aiga o Iuta ia;

13o lana taulaga foi o le tanoa ario e tasi, o lona mamafa e tasi le selau ma le tolugafulu o sekeli; o le ipu ario e tasi, e fitugafulu o sekeli lona mamafa o le sekeli lea o le malumalu; ua tutumu ia mea o lua i le falaoa lelei ua palua ma le uu e fai ma taulaga i mea e ‘ai;

14o le ipu auro e tasi, e sefulu o sekeli lona mamafa, ua tumu i mea manogi e mu;

15o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

16o le ‘oti poa e tasi, e fai ma taulaga mo le agasala;

17o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Naasona le atalii o Aminatapu.

18O le lua o aso na au mai ai e Natanielu o le atalii o Suaro, o le alii sili o Isakara;

19na ia au mai lana taulaga, o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

20o le ipu auro e tasi, e sefulu o sekeli lona mamafa ua tumu i mea manogi e mu;

21o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

22o le ‘oti poa e tasi, e fai ma taulaga mo le agasala;

23o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Natanielu le atalii o Suaro.

24O le tolu o aso na fai taulaga ai le alii sili o le fanauga a Sepulona, o Eliapo lea o le atalii o Holona;

25o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

26o le ipu auro e tasi, e sefulu o sekeli lona mamafa, ua tumu i mea manogi e mu;

27o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

28o le ‘oti poa e tasi, e fai ma taulaga mo le agasala;

29o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Eliapo o le atalii o Holona.

30O le fa o aso na fai taulaga ai le alii sili o le fanauga a Reupena, o Elisura lea o le atalii o Seturo;

31o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

32o le ipu auro e tasi, e sefulu o sekeli lona mamafa,

33ua tumu i mea manogi e mu; o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

34o le ‘oti poa e tasi, e fai ma taulaga mo le agasala;

35o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Elisura o le atalii o Seturo.

36O le lima o aso na fai taulaga ai le alii sili o le fanauga a Simeona, o Selumielu lea o le atalii o Surisatai;

37o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

38o le ipu auro e tasi, e sefulu o sekeli lona ma uafa, ua tumu i mea manogi e mu;

39o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

40o le ‘oti poa e tasi, e fai ma taulaga mo le agasala;

41o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Selumielu o le atalii o Surisatai.

42O le ono o aso na fai taulaga ai le alii sili o le fanauga a Kato, o Eliasafo lea o le atalii o Tuelu;

43o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

44o le ipu auro e tasi, e sefulu o sekeli lona mamafa, ua tumu i mea manogi e mu;

45o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

46o le ‘oti poa e tasi e, fai ma taulaga mo le agasala;

47o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea e Eliasafo o le atalii o Tuelu.

48O le fitu o aso na fai taulaga ai le alii sili o le fanauga a Efaraima, o Elisama lea o le atalii o Ameuta;

49o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

50o le ipu auro e tasi, e sefulu o sekeli lona mamafa, ua tumu i mea manogi e mu;

51o le povi poa taanoa e tasi o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

52o le ‘oti poa e tasi, e fai ma taulaga mo le agasala;

53o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Elisama o le atalii o Ameuta.

54O le valu o aso na fai taulaga ai le alii sili o le fanauga a Manaso, o Kamalielu lea o le atalii o Petasura;

55o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

56o le ipu auro e tasi, e sefulu o sekeli lona mamafa, ua tumu i mea manogi e mu;

57o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

58o le ‘oti poa e tasi, e fai ma taulaga mo le agasala;

59o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Kamalielu o le atalii o Petasura.

60O le iva o aso na fai taulaga ai le alii sili o le fanauga a Peniamina, o Apitano lea o le atalii o Kitione;

61o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

62o le ipu auro e tasi, e sefulu o sekeli lona mamafa, ua tumu i mea manogi e mu;

63o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

64o le ‘oti poa e tasi, e fai ma taulaga mo le agasala;

65o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Apitano o le atalii o Kitione.

66O le sefulu o aso na fai taulaga ai le alii sili o le fanauga a Tanu, o Aisera lea o le atalii o Amisatai;

67o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

68o le ipu auro e tasi, e sefulu o sekeli lona mamafa, ua tumu i mea manogi e mu;

69o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

70o le ‘oti poa e tasi, e fai ma taulaga mo le agasala;

71o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Aisera o le atalii o Amisatai.

72O le sefulu ma le tasi o aso na fai taulaga ai le alii sili o le fanauga a Asera, o Pagielu lea o le atalii o Okirano;

73o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

74o le ipu auro e tasi, e sefulu o sekeli lona mamafa, ua tumu i mea manogi e mu;

75o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

76o le ‘oti poa e tasi, e fai ma taulaga mo le agasala;

77o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Pagielu o le atalii o Okirano.

78O le sefulu ma le lua o aso na fai taulaga ai le alii sili o le fanauga a Nafatali, o Akira lea o le atalii o Enano;

79o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ua tutumu ia mea e lua i le falaoa lelei ua palua ma le uu e fai ma taulaga i mea e ‘ai;

80o le ipu auro e tasi, e sefulu o sekeli lona mamafa, ua tumu i mea manogi e mu;

81o le povi poa taanoa e tasi, o le mamoe poa e tasi, ma le tamai mamoe e tasi ua tasi lona tausaga, e fai ma taulaga mu;

82o le ‘oti poa e tasi, e fai ma taulaga mo le agasala;

83o povi foi e lua, o mamoe poa e lima, o ‘oti poa e lima, ma tamai mamoe e lima e tasi lo latou tausaga, e fai ma taulaga faafetai; o le taulaga lea a Akira o le atalii o Enano.

84O le faasaina lenei o le fata faitaulaga e alii sili o Isaraelu i le aso na faauuina ai; o tanoa ario e sefulu ma le lua, o ipu ario e sefulu ma le lua, o ipu auro e sefulu ma le lua;

85o tanoa ario e taitasi ma sekeli e tasi le selau ma le tolugafulu lona mamafa, o ipu e taitasi ma sekeli e fitugafulu lona mamafa; o mea ario uma e lua afe ma le fa galau o sekeli ia, o le sekeli lea o le malumalu;

86o ipu auro e sefulu ma le lua sa tutumu i mea manogi e mu, e taisefulu sekeli lo latou mamafa, o le sekeli lea o le malumalu; o auro uma o ipu e tasi le selau ma le luafulu o sekeli.

87O povi uma e fai ma taulaga mu, o povi poa e sefulu ma le lua, o mamoe poa e sefulu ma le lua, ma tamai mamoe e tasi lo latou tausaga e tasi le sefulu ma le lua, ma o latou taulaga i mea e ‘ai; o ‘oti poa foi e sefulu ma le lua e fai ma taulaga mo le agasala.

88O povi uma foi e fai ma taulaga faafetai e luafulu ma le fa o povi poa ia, o mamoe poa e onogafulu, o ‘oti poa e onogafulu, ma tamai mamoe e tasi lo latou tausaga e onogafulu. O le faasaina lea o le fata faitaulaga ina ua uma ona faauuina ai.

89Ua ulu atu Mose i le fale fetafai o le faapotopotoga la te taulaga ma Ieova, ona lagona ai lea e ia o le siufofoga ua tūlei mai ia te ia ai le nofoa o le alofa ua i luga o le atolaau o le tulafono, mai le va o kerupi e lua; ua fetalai mai lava o ia ia te ia.