1Ona tali mai ai lea o Sofara le Naama, ua faapea mai,
2A le talia ea upu ua tele? Pe ta‘uamiotonuina ea le tagata tautala soo?
3O lou tautala faaletatau e faalologo ai ea tagata? E te tauemu mai ea, ae leai se tasi e faamaina atu oe?
4Sa e faapea mai, Ua tonu la‘u mataupu, ou te mamā foi a‘u i ou luma.
5A e peitai, e lelei pe a tŭlei mai le siufofoga o le Atua, ma fetalai mai o ia ia te oe;
6ma faaali mai e ia ia te oe mea lilo o le poto, auā ua sili lava i mea ua faailoa mai; ona iloa ai lea e oe ua fagalogaloina e le Atua mo oe o isi au agasala.
7O le suesue e te maua ai ea le Atua? E te maua atoatoa ai ea Le e ona le malosi uma lava?
8Ua maualuga i le lagi; se a se mea e te faia? Ua sili ona loloto i seoli; se a se mea e te iloa ai?
9O lona umi ua sili lea i le lalolagi, ua sili foi lona lautele i le sami.
10Afai e oso mai o ia, ma puipui mai, ma faapotopoto mai, po o ai ea na te faafoi ia te ia?
11Auā ua silafia e ia tagata amio leaga; ua silasila mai foi o ia i le agasala, pe na te le mafaufau foi ea i ai?
12A e leai se atamai i le tagata valea, a ua fanau le tagata ua tusa ma le tamai asini o le vao.
13Afai e te saunia lou loto, ma faaloaloa atu ou lima ia te ia;
14afai ua i lou lima se amioletonu, ia e avemamaoina; aua ne‘i tumau pea le agasala i ou fale ie.
15Ona ea ai lea i luga o ou mata e leai se mea e pona ai; e te faamalosi foi, ma e le fefe lava.
16Auā e galo ia te oe le puapuaga, e te manatua foi e pei o le vai ua tafe atu.
17E oo mai foi ou aso e sili ona malamalama i le aoauli; ua e i ai nei i le pouliuli, a e avea oe e pei o lea taeao.
18E fai sou faatuatua, auā o loo i ai le faamoemoe; o loo e mā nei oe, a e te toato ma le filemu.
19E te taoto foi, a e leai se na te faamatau mai; e toatele foi e ole atu ia te oe.
20A e fole mata o e amio leaga, e faaumatia foi se mea latou te sosola i ai; o lo latou faamoemoe foi ua se mānava ua mavae atu.
Who We AreWhat We EelieveWhat We Do
2025 by iamachristian.org,Inc All rights reserved.
