1Ua alu ae Naasa le sa Amonī, ua to lauapi i Iapese-Kiliata. Ona fai mai lea o tagata uma o Iapese ia Naasa, Ina fai ai sa tatou mavaega, ona matou auauna lea ia te oe.
2Ua fai atu Naasa le sa Amonī ia te i latou, O le mea lenei e fai ai sa tatou mavaega; ou te sali i o outou mata taumatau uma, ou te faalumaina ia Isaraelu uma.
3Ona fai mai lea o toeaina o Iapese ia te ia, Tuu mai ia ia te i matou ni aso se fitu, se‘i matou tuu atu ni sāvali i nuu uma o Isaraelu; afai e leai sē faaola mai ia te i matou, ona matou o atu ai lea ia te oe.
4Ua oo atu le sāvail i Kipea le aai o Saulo, ua ta‘u atu nei upu i le nuu, ona fetagisi ai lea o le nuu uma, ua leo tetele.
5Faauta foi, ua sau Saulo nai le vao, o loo mulimuli ia i povi; ua fai ane Saulo, Se a le mea ua oo i le nuu ua latou fetagisi ai? Ona tala mai lea ia te ia o le tala a tagata Iapese.
6Ona osofia lea o Saulo e le Agaga o le Atua, ina ua faalogo o ia i lenei tala; ona tupu tele ai lea o lona ita.
7Ua ia ave povi e lua ma vaevaea, ua avatu ai i nuu uma o Isaraelu i lima o sāvali, o loo faapea, O sē le mulimuli mai ia Saulo ma Samuelu, e faapea ona faia i ana povi. Ua oo i le nuu le fefe ia Ieova; ona latou o atu ai lea pei se tagata e toatasi.
8Ua ia faitaulia i latou i Peseka, ua tolu selau o afe o le fanauga a Isaraelu ia, a e tolu sefulu o afe o tagata o Iuta ia.
9Ua latou fai atu i le sāvali na sau, Ia faapea ona outou fai atu i tagata o Iapese-Kiliata, O a taeao pe a vevela le la, e ia te outou le faaolataga. Ua alu le sāvali, ma ta‘u atu ai i tagata o Iapese, ona latou fiafia ai lea.
10Ua fai atu tagata Iapese O a taeao matou te o atu ai ia te outou, tou te faia ia te i matou mea uma tou te loto i ai.
11Ua oo i le taeao, ona tofia lea o le nuu e Saulo i ‘au e tolu; ona o ane lea i totonu o le va o ‘au i le leoleoga o le taeao, ua fasi foi ia Amoni, ua oo i le itu aso e vevela ai le la; o e na sao ua faataapeapeina i latou, ua le toe faatasi se toalua o i latou.
12Ona fai mai lea o le nuu ia Samuelu, O ai ea na fai ane, Pe fai Saulo ma tupu ia te i tatou? Tuu mai ia o ia tagata, matou te fasioti ia te i latou.
13Ua fai atu Saulo, E le fasia se tagata i lenei aso; auā o le asō ua faia ai e Ieova le faaolataga mo Isaraelu.
14Ona fai atu lea o Samuelu i le nuu, O mai ia, ina tatou o i Kilikala, tatou te toe fuataiina ai le malo.
15Ona o lea o le nuu uma i Kilikala, ua tofia ai Saulo e fai ma tupu i luma o Ieova i Kilikala; ua latou fai ai taulaga faafetai i luma o Ieova. Ua fiafia tele Saulo atoa ma tagata uma o Isaraelu i lea mea.
Who We AreWhat We EelieveWhat We Do
2025 by iamachristian.org,Inc All rights reserved.
