1Ou te pese i le alofa ma le faamasinoga, Ieova e, ou te fai pesega ia te oe.
2Ou te faautauta i le ala e sao ona lelei; e te afio mai ea afea ia te au? Ou te savali a‘u ma le loto sao i totonu o lo‘u fale.
3Ou te le tuu i o‘u luma se mea leaga; ou te ‘ino‘ino i le amio a ē liliu ese, e le pipii mai lea ia te au.
4E te‘a lava ma a‘u o le ua faapiopio lona loto; mā te le feoai ma le ua amio leaga.
5O lē tuaupua i le la te tuaoi, e fano lea ia te au; o le ua mata faamaualuga ma le loto fefete, ou te le mafaia lava lea.
6Ou te fia vaai i e o faamaoni i le nuu, matou te nonofo ma a‘u; o lē savali i le ala ua sao ona lelei, o ia lava lea e auauna mai ia te au.
7E le nofo i lo‘u fale o se fai mea faa‘ole‘ole; o lē tala pepelo foi e le tumau ia i o‘u luma.
8E fano ia te au i taeao fai soo o i latou uma o e amio leaga o i le nuu, ina ia vavaeeseina i le aai a Ieova o i latou uma lava o e fai mea leaga.
Who We AreWhat We EelieveWhat We Do
2025 by iamachristian.org,Inc All rights reserved.
