1Le Atua e, o lē ou te vivii atu i ai, aua ne‘i e le tali mai.
2Auā ua faamaga mai ia te au le gutu o lē amio leaga, ma le gutu o lē taupelopelo; ua latou fai upu mai ia te au i le laulaufaiva pepelo.
3Ua latou siosio ia te au ma upu faa‘ino‘ino, ma ua latou tau fua mai le taua ia te au.
4Ua fai a‘u mo latou fili e taui a‘i lo‘u alofa; a o a‘u nei, ou te tatalo.
5Ua tuuina mai i latou ia te au o le leaga e taui a‘i le lelei, ma le ‘ino‘ino e taui a‘i lo‘u alofa.
6Ia e tofia se ua amio leaga e pule ia te ia, ma se ua fai o ia ma fili e tu i lona itu taumatau.
7Ia faasalaina o ia pe a faamasinoina; ia fai foi ma agasala lana tatalo.
8Ia faaitiitia ona aso; ia avea lona faiva mo se tasi.
9Ia avea ana fanau e aumatuā, o lana avā foi ia fai ma fafine ua oti lana tane.
10Ia feoai solo lana fanau, ma aiisi, ma ia sailiili mea e ‘ai i a latou mea ua faatafunaina.
11Ia maua ana mea uma lava e le ua ia aitalafu i ai; ia faoa foi e tagata ese o mea ua na galue ai.
12Aua ne‘i faaoo atu e se tasi le alofa ia te ia; aua foi ne‘i agalelei atu se tasi i lana fanau ua aumatuā.
13Ia le au lona gafa; ia sōloiesea o latou igoa i le tupulaga amuli.
14Ia manatua le amio leaga a ona tamā i luma o Ieova; aua ne‘i sōloia le agasala a lona tinā;
15ia i ai pea lava i luma o Ieova, ina ia tineia e ia o latou faamanatuga ai le lalolagi.
16Auā e lei manatu ia e fai meaalofa, a ua faasaua i le tagata ua puapuagatia ma le mativa, ina ia fasiotia e ia le ua loto momomo.
17Na loto o ia i le fetuu, ia oo foi ia te ia; na le fiafia foi o ia i le faamanuia, o lea ia vava mamao ai ma ia.
18Na pulupulu o ia i le fetuu e pei o se ie pulupulu, ia oo foi lea e pei o le vai i totonu ia te ia, ia pei o le suāuu foi i ona ivi.
19Ia ia te ia e pei o le ofu ua ofu ai o ia, ma le fusi ua fusi ai o ia e le aunoa.
20O le taui lava lea mai ia Ieova i e fai a‘u mo latou fili, ma e ua fai upu leaga ia oti ai a‘u.
21A o oe, Ieova e, lo‘u Alii, ia e agalelei mai ia te au ona o lou suafa; auā e lelei lou alofa, ia e laveai mai ia te au.
22Auā o a‘u ua puapuagatia ma le mativa, ua manua lo‘u loto i totonu ia te au.
23Ua ou mavae atu pei o le ata ua lafoia; ua lulueseina a‘u e pei o le sē akerise.
24Ua vaivai o‘u tulivae i le anapogi, ma ua tinovale lava a‘u.
25O a‘u nei foi ua faalumaina a‘u e i latou; e vaai mai i latou ia te au ma lialiai o latou ulu.
26Ieova e, lo‘u Atua, ia e fesoasoani mai ia te au; ia e faaola mai ia te au e tusa ma lou alofa;
27ina ia iloa ai e i latou, o lou aao lava lenei; o oe, Ieova e, na e faia lava.
28O i latou, ia fetuu mai pea i latou, a o oe, ia e faamanuia mai; ua latou tutū mai, a ia mamā i latou, a ia fiafia lava lau auauna.
29Ia oofu i le masiasi e ua fai a‘u mo latou fili, ia ufitia i latou i lo latou lava ma pei o le ofu tele.
30Ou te matuā vivii atu ia Ieova i lo‘u gutu, ou te faaneenee atu ia te ia i totonu o le toatele.
31Auā e tulai o ia i le lima taumatau o le ua puapuagatia, ina ia faaola ia te ia i e faasala ia te ia ia oti.
Who We AreWhat We EelieveWhat We Do
2025 by iamachristian.org,Inc All rights reserved.
