1E moni ea ua le tautala le amiotonu? Ina tautala mai ia outou. Outou le fanau a tagata, ia outou faamasino ma le sa‘o.
2E moni, ua outou galulue ma le loto i mea leaga; ua outou fuatia atu le sauaga a o outou lima i le nuu.
3Ua liliu ese o e amio leaga talu ina fanau mai; talu ina fanau mai ua sese i latou, ua tala pepelo.
4O ia te i latou mea oona e tusa ma le mea oona i le gata; e pei o le asipi tutuli ua ia punitia ona taliga;
5o le na te le faalogoina atu le leo o e taufaaoleole gata, o loo faaoleole i le taufaaoleolega poto.
6Le Atua e, ia e gauia o latou nifo i o latou gutu; Ieova e, ia e tu‘imomomoina gao o leona taanoa.
7Ia liu suāvai i latou, ia pei o le vai ona mavae atu; a lolou le aufana e fana atu i ana u, ia peiseai ua vavaeeseina ia.
8E pei o le sisi vao ona liu suāvai ia mavae atu o ia; e pei o le fanau le āu a le fafine, aua ne‘i latou iloa le la.
9A o lei lagona a outou ulo le afi laau tuitui, pe mata pe mu, na te faaleleaeseina i latou i le afā.
10E fiafia le ua amaiotonu pe a iloa e ia le taui; e mulumulu ona vae i le toto o le ua amio leaga.
11Ona faapea ane ai lea o tagata, E moni, ua fai le taui mo le ua amiotonu; e moni, o le Atua o le faamasino o ia i le lalolagi.
Who We AreWhat We EelieveWhat We Do
2025 by iamachristian.org,Inc All rights reserved.
