1Sa tusia gafa o Isaraelu uma. Faauta foi, ua tusia i latou i le tusi i tupu o Isaraelu. Na tāfea foi Iuta i Papelonia ona o a latou agasala.
2O e na muai nonofo i o latou fanua i a latou aai, o Isaraelu, o le au faitaulaga, o sa Levī, ma le au netini.
3Ua nonofo foi i Ierusalema nisi o le fanauga a Iuta, ma nisi o le fanauga a Peniamina, ma nisi o le fanauga a Efaraima ma Manase.
4O Utai le atalii o Ameuta, o le atalii o Omeri, le atalii o Imeri, o le atalii o Pani, na tupu mai i atalii o Faresa le atalii o Iuta.
5Na tupu mai ia Seloni; o Asaia le ulumatua, ma ona atalii; mai atalii o Sera;
6o Ieielu, ma o latou uso e ono selau ma le iva sefulu;
7mai atalii o Peniamina; o Salu le atalii o Mesulama, o le atalii o Hotavia, o le atalii o Hasenua,
8o Ipeneia foi le atalii o Ieroama, ma Ele le atalii o Usi, o le atalii o Mekeri, ma Mesulama le atalii o Sefatia, o le atalii ia o Reuelu, o le atalii ia o Ipenia.
9O latou uso foi, i o latou tupulaga, e iva selau ma le lima sefulu ma le ono. O tagata uma ia o matai sili i le aiga o latou tamā.
10 Na tupu mai i le au faitaulaga; o Ietaia, ma Ioripa,
11ma Iakinu, o Asaria foi o le atalii o Hilikia, o le atalii ia o Mesulama, o le atalii ia o Satoka, o le atalii ia o Meraiota, o le atalii ia o Akitopo, o le pule i lē fale o le Atua;
12o Ataia foi o le atalii o Ieroama, o le atalii ia o Pasura, o le atalii ia o Malekia, o Maseai le atalii o Atielu, o le atalii ia o Iaesera, o le atalii ia o Mesulama, o le atalii ia o Meselemita, o le atalii ia o Imeru.
13O latou uso foi, o matai sili i aiga o latou tamā, e tasi le afe ma le fitu selau ma le toaono sefulu; o tagata malolosi lava i auauna i le galuega o le fale o le Atua.
14 Na tupu mai foi i sa Levī; o Semaia o le atalii o Hasupo, o le atalii ia o Aserikama, o le atalii ia o Hasapea, mai le fanauga a Merari;
15o Pakepakara foi, o Heresa, ma Kalali, ma Matania o le atalii o Mika, o le atalii ia o Sekari, o le atalii ia o Asafo;
16o Opetaia foi le atalii o Semaia, o le atalii ia o Kalali, o le atalii ia o Iutana, ma Perekia le atalii o Asa, o le atalii ia o Elekana, o e na nonofo i aai o tagata Netopa.
17O leoleo faitotoa nei, o Saluma, ma Akopa, ma Talemoni, ma Aimano, ma o latou uso; o Saluma o le matai sili ia;
18na leoleo i le faitotoa o le tupu i le itu i sasae, ua oo mai i nei ona po; o leoleo faitotoa ia i vasega o le fanauga a Levi.
19O Saluma foi le atalii o Kori, o le atalii ia o Eviasafo, o le atalii ia o Koru, ma ona uso, o le aiga o lona tamā, o sa Korū, na pule i le faiga o le galuega, o leoleo o faitotoa o le fale fetafai; o latou tamā foi na pule i toagālauapi a Ieova, o e na leoleo i le mea e ui atu ai.
20O Fineaso foi le atalii o Eleasaro, na pule o ia ia te i latou anamua, sa ia te ia Ieova.
21O Sakaria le atalii o Meselemia na leoleo i le faitotoa o le fale fetafai o le faapotopotoga.
22O i latou uma ia sa filifilia e fai ma leoleo i faitotoa, e toalua selau ma le toasefulu ma le toalua. Sa tusia o latou gafa i a latou aai, o i latou na tofia e Tavita ma Samuelu le tagata vaai, i o latou tofiga.
23O i latou ma a latou fanau sa leoleo faitotoa o le fale o Ieova, o le fale fetafai foi, e tusa ma a latou leoleoga.
24Sa i ai leoleo faitotoa i itu e fa, o sasae, ma sisifo, ma le itu i matu, ma le itu i toga.
25O latou uso foi, e na nonofo i o latou aai, e o mai e feaua‘i ma i latou, taifitu o latou aso.
26Auā o tagata ia o sa Levī, o leoleo sili i faitotoa, sa i ai i latou e toafa i o latou tofiga, sa leoleo foi i potu ma mea e teu ai oa o i le fale o le Atua.
27Ua latou nonofo faataaliolio foi i le fale o le Atua, auā sa ia te i latou e leoleo ai, e a latou foi e tatala faitotoa i taeao uma lava.
28O isi o i latou na tausi ai ipu e fai a‘i sauniga, ina ia faitau ai pe a avane i totonu, ma faitau ai pe a toe au mai i fafo.
29O isi foi o i latou ua tofia e tausi ai ipu, ma mea paia uma, ma le falaoa lelei, ma le uaina, ma le suāuu, ma le pulu lipano, ma mea manogi.
30O isi foi atalii o le au faitaulaga na faia e i latou le uu manogi.
31O Matatia o lo sa Levī, o le ulumatua ia a Saluma, o lo sa Korū, e ana le tofiga e pule i le faiga o mea e tunu i uamea salalafa.
32O isi foi o latou uso, o lo sa Koatō, sa ia te i latou le areto e laulauina i luma e sauniuni ai i lea sapati ma lea sapati.
33O i latou ia e pepese, o matai sili o sa Levī, sa nonofo i potu, sa aunoa ma isi galuega; auā na latou i ai i lea faiva i le ao atoa ma le po.
34O matai sili ia o sa Levī, ua sili i o latou tupulaga; ua nonofo i latou i Ierusalema.
35Ua mau i Kipeona o Ieielu le tamā o Kipeona, o le igoa o lana avā o Maaka.
36O lona atalii ulumatua o Avatonu, ma Suro, ma Kiso, ma Paala, ma Neru,
37ma Natapu, o Kitoru foi, ma Aio, ma Sakaria, ma Mekelota.
38Ua fanaua e Mekelota o Semaama. Ua latou mau foi ma o latou uso i Ierusalema, ua faafeagai ma o latou uso.
39Ua fanaua e Neru o Kiso, ua fanaua e Kiso o Saulo, ua fanaua foi e Saulo o Ionatana, ma Makisua, ma Apinatapa, ma Esepaala.
40O le atalii o Ionatana o Meripaala, na fanaua e Meripaala, o Mika.
41O atalii o Mika; o Pitonu, ma Meleka, ma Tarea.
42Ua fanaua e Aasa o Iara; o Iara foi ua fanaua e ia o Alemetu, ma Asemau, ma Semeri; ua fanaua e Semeri o Mosa.
43Ua fanaua foi e Mosa o Pinea; o Refaia foi lona atalii, o Eliasa lona atalii, o Aselu lona atalii.
44O atalii o Aselu e toaono, o latou igoa foi nei; o Aserikama, o Pokeru, ma Isamaeli, ma Searia, ma Opetaia, ma Hanana. O atalii ia o Aselu.
Who We AreWhat We EelieveWhat We Do
2025 by iamachristian.org,Inc All rights reserved.
