1Ua fetalai mai foi Ieova ia Mose, ua faapea mai,
2Ina fai ane ia i le fanauga a Isaraelu, ia faapea ane, Afai ua to se fafine, ua fanau mai ai foi se tama tane, ona leaga ai lea o ia i aso e fitu; e tusa ma aso e nofo ese ai i le ma‘i o fafine, e leaga ai o ia.
3E peritomeina foi le tama i le pa‘u o lona tino i le aso valu.
4Ona nofo pea ai lea o le fafine i lona tai i tama i aso e tolugafulu ma le tolu; aua ne‘i pa‘i atu o ia i se mea paia, pe ulufale atu i le malumalu seia atoa ona aso e mamā ai.
5A e afai e fanau mai se tama teine, ona leaga ai lea o ia ina seia atoa o vaiasosa e lua, e pei o ma‘i o fafine; e nofo foi o ia i lona taiitama i aso e onogafulu ma le ono.
6A atoa foi aso o lona faamamāina ona o se tama tane, po o se tama teine, na te aumaia i le faitaulaga se tamai mamoe e tasi lona tausaga, e fai ma taulaga mu ma se tamai lupe, po o se manutagi, e fai ma taulaga mo le agasala, i le faitotoa o le fale fetafai o le faapotopotoga.
7Ona avatu ai lea e ia i luma o Ieova, e fai ai se togiola mo ia, ona mamā ai lea o ia i le puna mai o lona toto. O le tulafono lena i le ua fanau mai se tama po o se teine.
8Afai foi na te le maua se tamai mamoe, ia au mai ia le uluga manutagi, po o tamai lupe e lua fua, o le tasi e fai ma taulaga mu, ma le tasi e fai ma taulaga mo le agasala; ona fai ai lea e le faitaulaga le togiola mo ia, ona mamā ai lea o ia.
Who We AreWhat We EelieveWhat We Do
2025 by iamachristian.org,Inc All rights reserved.
