1Ieova e, ia e faaola mai; auā ua uma tagata amio Atua; auā ua mavae e ua faamaoni nai le fanau a tagata.
2O loo tautalatala le tagata i le la te tuaoi i mea pepelo; o loo o latou tautalatala i laugutu molemole ma le faalotolotolua.
3E vavae ese e Ieova o laugutu molemole uma lava, ma le laulaufaiva e tautala i mea faasausili;
4o e ua fai mai, O tatou laulaufaiva tatou te manumalo ai, o tatou laugutu o tatou lava ia; o ai ea so tatou alii?
5Ona o le fasauaina o e ua puapuagatia, ma le feoi o e ua matitiva, ua fetalai mai ai Ieova, ou te tulai atu ai nei, ou te faasaogalemuina i latou i e ua ulafia atu ia te i latou.
6O afioga a Ieova o afioga mamā ia; ua se ario ua faate‘a ese ai le eleele i le umu, e faafitu ona faamamāina.
7Ieova e, o oe lava e te tausi ia te i latou; e te leoleo ia te ia mai lenei lava tupulaga e oo i le faavavau.
8Ua feoai i lea itu ma lea itu o e fai amio leaga, ina ua faaeaina o le ua sili lona ulavale i le fanau a tagata.
Who We AreWhat We EelieveWhat We Do
2025 by iamachristian.org,Inc All rights reserved.
