1Ua fai Ieova ma tupu, ia gatete nuu; o loo tietie o ia i le va o kerupi, ia faagaeetia le lalolagi.
2E silisili Ieova o i Siona; e maualuga foi o ia i luga o nuu uma.
3Ia latou vivii atu i lou suafa e sili ia ma le matautia; e paia lava ia.
4O le malosi foi o le tupu o loo fiafia ia i le faamasinoga; o oe ua e faatumauina le amiotonu, o oe foi ua e faia le faamasinoga tonu ia Iakopo.
5Ia outou faaneenee atu ia Ieova lo tatou Atua, ia outou ifo atu i le mea e tu ai ona aao; e paia lava o ia.
6O Mose ma Arona i ona faitaulaga, o Samuelu foi i e o valaau atu i lona suafa; ua latou valaau atu ia Ieova, ona tali mai lea o ia ia te i latou.
7Na ia fetalai atu ia te i latou i le ao faaniutu; na latou tausi i ana poloaiga ma tulafono na ia tuuina atu ai ia te i latou.
8Ieova e, lo matou Atua, o oe lava na e tali atu ia te i latou; o oe lava le Atua na e faamagaloina i latou, a ua e taui i a latou amioga.
9Ia outou faaneenee atu ia Ieova lo tatou Atua, ia outou ifo atu foi i lona mauga paia; auā e paia lava Ieova lo tatou Atua.
Who We AreWhat We EelieveWhat We Do
2025 by iamachristian.org,Inc All rights reserved.
