1Ia outou vivii atu ia Ioa. Vivii atu ia outou i le suafa o Ieova; o outou auauna a Ieova, vivii atu ia outou ia te ia.
2Outou o e tutū i le fale o Ieova, i lotoā o le fale o lo tatou Atua,
3ia outou vivii atu ia Ioa; auā e lelei Ieova, ia fai pesega i lona suafa; auā e matagofie lea.
4Auā ua filifilia Iakopo e Ioa mona, o Isaraelu e fai mana oloa tāua.
5Auā o a‘u nei, ua ou iloa e sili lava Ieova, e sili foi lo tatou Alii i atua uma lava.
6O mea uma lava e finagalo i ai Ieova, e faia lava e ia i le lagi atoa ma le lalolagi, o le sami ma mea loloto uma lava.
7E avae e ia o ausa mai tulu‘iga o le lalolagi; na te faia le uila atoa ma le ua; na te aumaia le matagi mai mea e teu ai ana oloa.
8O le na fasia ulumatua a Aikupito, o tagata atoa ma manu.
9O le na auina atu o faailoga ma vavega ia te oe, Aikupito e, ia Farao ma ana auauna uma lava.
10O le na fasia nuu tetele, ma na fasiotia o tupu malolosi;
11o Sekono le tupu o sa Amorī, ma Oko le tupu o Vasana, atoa ma tupu uma o Kanana.
12Ua na avatu foi lo latou laueleele ma tofi, o le tofi lava o lona nuu o Isaraelu.
13Ieova e, e faavavau lava Iou suafa; o le faamanatuga ia te oe, Ieova e, e āu tupulaga lea.
14Auā e faamasino e Ieova lona nuu; e salamo foi ia ona o ana auauna.
15O tupua o nuu ese, o ario ma auro ia, o galuega a lima o tagata.
16E fai o latou gutu, a e le feganavai; e fai o latou mata, a e le vaai;
17e fai o latou taliga, a e le faalogo; e leai foi se mānava i o latou gutu.
18O e faia ia mea ua tutusa lava ma i latou, o i latou uma o e faatuatua i ai.
19Le aiga o Isaraelu e, ia outou faamanū atu ia Ieova; le aiga o Arona e, ia outou faamanū atu ia Ieova; le aiga o Levi e,
20ia outou faamanū atu ia Ieova; outou o e matatau ia Ieova, ina faamanū atu ia ia Ieova.
21Ia faamanū atu ia Ieova mai Siona, o le o afio i Ierusalema. Ia outou vivii atu ia Ioa.
Who We AreWhat We EelieveWhat We Do
2025 by iamachristian.org,Inc All rights reserved.
