1Ieova e, ia e faamasino ia te au; auā o a‘u nei ua ou savali ma la‘u amio sao; ou te faatuatua foi ia Ieova; e le mapeva o‘u vae.
2Ieova e, ia e suesue ia te au, ma tofotofo ia te au; ia e faamamā i o‘u manatu ma lo‘u loto.
3Auā o loo i o‘u luma lou alofa; ua ou savali foi i le mea moni mai ia te oe.
4Ou te lei nofo faatasi ma tagata ulavavale; ou te lei alu faatasi ma tagata pepelo.
5Ua ou ‘ino‘ino i le faapotopotoga o e fai mea leaga; ou te le nofo foi faatasi ma tagata amio leaga.
6Ou te fafano o‘u lima e fai ma faailoga ua ou le sala; ona ou faataamilomilo ai lea i lou fata faitaulaga, Ieova e;
7ina ia lagona atu le leo o le viiga, ma ia ta‘uta‘u atu ou vavega uma lava.
8Ieova e, ou te fiafia i le mea e tu ai lou maota, o le mea foi e afio ai lou mamalu.
9Aua ne‘i e faatasia a‘u ma tagata agasala, ma lo‘u ola ne‘i faatasia ma tagata ua totolima.
10O loo i o latou lima amio leaga, ua tutumu foi o latou lima taumatau i mea alofa.
11A e peitai a‘u nei, ou te savali ma la‘u amio sao; ia e laveai ia te au, ma ia e alofa mai ia te au.
12Ua tu o‘u vae i le mea laugatasi; ou te faamanū atu ia Ieova i totonu o faapotopotoga.
Who We AreWhat We EelieveWhat We Do
2025 by iamachristian.org,Inc All rights reserved.
