1Ona tali mai ai lea o Pilitati le Sua, ua faapea mai,
2Tou te faaiuina afea a outou upu? Ia outou mafaufau, e mulimuli ane foi matou te tautala atu ai.
3Se a le mea ua ta‘umanuvaefa ai i matou, ma ua leaga ai i matou i o outou manatu?
4O loo saeia o ia e ia i lona ita; e tuua ea le lalolagi ona o oe? Pe siitia ea le papa ai le mea o iai?
5E tineia lava le malamalama o e amio leaga, e le pupula foi le mumū o lona afi.
6E avea le malamalama ma pouliuli i lona fale ie; e tineia foi lona lamepa i ona luga ae.
7E faalavelaveina ona laasaga malolosi, e lafotuina foi o ia i lana lava pule.
8Auā o ona lava vae ua faaooina ai o ia i le upega, ua savali foi o ia i luga o le mailei.
9E lāvea lona mulivae i le mailei, e taofimauina o ia e le matasele.
10Ua tatao i le eleele le matasele mo ia, ma le mailei mo ia i le ala.
11E faamatautia o ia i itu uma i mea matautia, e tulitataoina ai foi o ia.
12E faavaivaia lona malosi i le fia ‘ai, e saunia foi le malaia i ona tafatafa.
13E ‘aina ona itu tino; e ‘aina lava ona itu tino e le ulumatua a le oti.
14E liaiina lona faatuatuaga ai lona fale ie, na te aumaia foi o ia i le tupu o mea matautia.
15E mau lea i lona fala ie, auā ua le toe fai mona; e luluina le teio i luga o le mea e nofo ai o ia.
16E mamago ona aa i lalō, e salaeseina foi ona la i luga.
17E faaumatia lona faamanatuga mai le lalolagi, e leai foi sona igoa i le malae.
18E tulia o ia ai le malamalama i le pouliuli, e tulieseina foi o ia i le lalolagi.
19E le i ai ia te ia se atalii, e leai foi se atalii o lona atalii i lona nuu, e leai foi sē toe i mea sa nofo ai o ia.
20E fememeai tupulaga mulimuli i lona aso, faapei ona maua e le matautuia o e na muamua.
21E faapena lava fale o le ua amio leaga; e faapea foi le mea e nofo ai le ua le iloa le Atua.
Who We AreWhat We EelieveWhat We Do
2025 by iamachristian.org,Inc All rights reserved.
