1Ia faafofoga mai Ieova ia te oe i le aso o le puapuaga, ia faamamaluina oe i le suafa o le Atua o Iakopo.
2Ia tuuina atu e ia ia te oe o le fesoasoani mai le malumalu, ma ia lagolagoina oe e ia mai Siona.
3Ia manatua e ia au taulaga uma i mea e ‘ai, ia talia foi au taulaga mu. Selā.
4Ia foaiina e ia ia te oe e tusa ma lou lava loto, ma ia faataunuuina lau pule uma lava.
5Matou te fiafia i lau faaolataga; o le suafa foi o lo tatou Atua tatou te sii ai i luga o tatou tagavai; ia faataunuuina e Ieova au tatalo uma lava.
6O lenei, ua ou iloa e faaolaina e Ieova o le na ia faauuina; e tali mai o ia ia te ia ai lona lagi paia i le malosi o lona aao taumatau e ola ai.
7O loo ta‘uta‘u nisi i kariota, ma nisi i solofanua; a o i tatou ua tatou ta‘uta‘u le suafa o Ieova lo tatou Atua.
8E punonou i latou, ma latou pauu; a o i tatou, tatou te tutū i luga ma tutumau.
9Ieova e, ia e faaola mai; ia faafofoga mai le Tupu ia te i matou i le aso matou te valaau atu ai.
Who We AreWhat We EelieveWhat We Do
2025 by iamachristian.org,Inc All rights reserved.
