1Ona tali atu lea o Iopu, ua faapea atu,
2E moni, o le nuu lava outou, e mavae faatasi ma outou le poto.
3O ia te au foi le mafaufau e tusa ma outou, ou te le faatauvaa a‘u ia te outou; o ai ea foi se ua le i ai mea faapena?
4O le ua tauemua e lana uo, o a‘u lea o le ua valaau atu i le Atua, ona tali mai ai lea o ia ia te ia, ua tauemua le tagata amiotonu, o le ua sao lana amio.
5O le sulu ua inosia i le manatu o lē nofo ma le filemu, o le tagata lea o le a mapeva lona vae.
6E saogalemu fale ie o e ua fao mea, ua saogalemu foi i latou o e faaonoono i le Atua; o e ua tuuina mai i ai mea e le Atua i o latou lima.
7A e peitai ina e fesili ia i manu vaefa, latou te a‘oa‘o mai ia te oe; ma manu felelei, latou le faailoa mai ia te oe.
8Pe ia e tautala i le laueleele, e a‘oa‘o mai ai o ia ia te oe; e faamatala mai foi ia te oe e i‘a o le sami.
9Po o ai ea e le iloa i nei mea uma ua faia ia mea e le aao o Ieova?
10Ua iai i lona aao o le ola o meaola uma, ma le mānava a tagata ola uma lava.
11E le faamasino ea e le taliga i upu? E le tofotofo ea foi e le gutu i ana mea e ‘ai?
12O loo iai le poto i e ua toeaina; o le faalevaleva foi o aso e i ai le faautauta.
13O loo ia te ia le poto ma le malosi, o loo ia te ia le mafaufau ma le faautauta.
14Faauta, e lepetia e ia, a e le mafai ona toe atiina ae; e puipuia e ia le tagata, a e le toe tatalaina.
15Faauta, e taofia e ia le vai, ona pe ai lea; na te tuuina mai ai foi, ona olopalaina ai lea o le nuu.
16O loo ia te ia le malosi ma le poto; o loo ia te ia o le ua faaseseina atoa ma le na te faasese ia te ia.
17Na te ta‘ita‘iina faipule faatagataotaua, na te faavāleaina foi faamasino.
18Na te tatalaina le noanoaga a tupu, na te fusia foi o latou sulugatiti i le fusi.
19Na te ta‘ita‘iina ositaulaga faatagataotaua, na te lafotu foi i e malolosi.
20Na te avea le tautalaga ai e ua faamaoni, na te avea foi le mafaufau o toeaina.
21Na te faainosia alii, na te tatalaina foi le fusi o e malolosi.
22Na te faaalia mea loloto ai le pouliuli, na te aumaia foi le ata o le oti i le malamalama.
23Na te faatoateleina nuu, na te faaumatia foi; na te faalauteleina nuu, na te faalauitiitia foi.
24Na te aveesea loto o alii sili o nuu le lalolagi, ma faaseseina i latou i le mea gaogao, e le o i ai se ala.
25E tautago i latou i le pouliuli, e leai se malamalama; na te faaseseina foi i latou pei o le ua onā.
Who We AreWhat We EelieveWhat We Do
2025 by iamachristian.org,Inc All rights reserved.
