1E! ana fai oe mo‘u tuagane, ana e susu i susu o lo‘u tinā, ona ta feasogi ai lea ma oe, pe a ou iloa oe i fafo; a e latou te le inosia ai a‘u.
2Ona ou ta‘ita‘i ai lea ia te oe, ma ou aumaia oe i le fale o lo‘u tinā, e te a‘oa‘o mai ia te au; ou te avatu ia te oe le uaina manogi ma le sua o la‘u rimoni e te inu ai.
3Ua i lalo o lo‘u ulu lona lima tauagavale, ua fusi mai foi ia te au lona lima taumatau.
4Tama fafine a Ierusalema e, ou te fai atu ia te outou, ia tauto mai, tou te le tatatuli pe fafagu i la‘u pele, seia faitalia lava o ia.
5O ai ea lena, o loo alu ae mai le vao, o loo faalagolago i lona manamea? Na ou fafagu ia te oe i lalo o le moli; na oono ai lou tinā ia te oe i lea mea; na ia oono ai ma fanau mai ai e ia o oe i lea mea.
6Ia tuuina a‘u i lou loto e faapei o se faamaufaailoga, e faapei o se faamaufaailoga i lou lima; auā ua malosi le alofa e pei o le oti; ua faauluulumamau le tuinanau e faapei o le tuugamau; o lona mumū, o le mumū lea o le afi mu saesae.
7E le mafaia i vai e tele ona tineia le alofa, e le mafai ona lofia i vaitafe. A avatu e se tagata le oloa uma o i lona fale ia alofaina o ia e ta‘ufaatauvaaina lava.
8Ua ia te i matou le uso itiiti e leai ni ona susu; se a se mea tatou te faia mo lo matou uso i se aso e au mai ai se tautalatala ia te ia?
9Afai o se pa o ia, ona tatou ati ae ai lea i ona luga o se ‘olo ario; a e afai o se puipui o ia, ona tatou pupuni ai lea i ai i laupapa arasi.
10O a‘u nei o le pa, o o‘u susu foi ua pei o ‘olo; ona avea ai lea o a‘u i ona luma e pei o se ua alofaina.
11Na ia Solomona le tovine i Paala-amoni; na ia tuuina atu le tovine i leoleo; e taitoatasi o i latou ma au mai tupe e afe i ona fua.
12O lo‘u tovine, o lo‘u lava ia, ua i o‘u luma. Solomona e, mā oe le afe; a ia lua selau mā e o leoleo i ona fua.
13O oe na, le o nofo i faatoaga, ua faalogologo e ua faatasi ma oe i lou siufofoga. Ia e faafaalogo mai ai ia te au foi.
14Lo‘u manamea e, ina sola ia oe, ia pei o le sevi oe po o le tamai aila i luga o mauga o i ai mea manogi.
Who We AreWhat We EelieveWhat We Do
2025 by iamachristian.org,Inc All rights reserved.
