1Le Atua e, ia e leoleo mai ia te au; auā ou te faatuatua ia te oe.
2Lo‘u agaga e, ua e fai atu ia Ieova, O oe lava o lo‘u Alii; o lo‘u manuia e le aunoa lea ma oe;
3o tagata paia, o i latou lava o i le lalolagi, ma e ua sili ona lelei, o loo ia te i latou lo‘u fiafia uma.
4E faateleina o latou tiga o e vave o atu i se tasi; o a latou taulaga i mea e inu ua faia i le toto ou te le sasaaina, ma o latou igoa ou te le ta‘ua i o‘u laugutu.
5O Ieova o lo‘u tofi lava ia ma la‘u ipu; o oe lava e faamauina lo‘u tofi.
6Ua fuafuaina mo‘u le fanua i mea valevalenoa; e moni, ua ia te au le tofi matagofie.
7Ou te faamanū atu ia Ieova, o lē faatonu mai ia te au; o le po foi e a‘oa‘o mai ai ia te au o lo‘u mafaufau.
8Ou te tuu Ieova i o‘u luma e le aunoa; auā o i lo‘u itu taumatau o ia, e le faagaeetia ai lava a‘u.
9O le mea lea e fiafia ai lo‘u loto, ma olioli ai lo‘u mamalu; e malolo foi lo‘u tino ma le saogalemu.
10Auā e te le tuua a‘u i le tuugamau; e te le tuu atu lou tagata paia ia oo i ai le pala.
11E te faailoa mai ia te au le ala o le ola; o i ou luma le fiafia e mālie ai; o i lou itu taumatau le olioli e faavavau.
Who We AreWhat We EelieveWhat We Do
2025 by iamachristian.org,Inc All rights reserved.
