1O i latou ia na o mai ia Tavita i Sekeleka ina o nofonofo ai o ia ona o Saulo le atalii o Kiso; o toa i latou e ua fesoasoani i le taua.
2Sa ia te i latou aufana, ua sasau e i latou o maa, ma fanafana i u i le aufana, i le lima taumatau atoa ma le lima tauagavale. O isi o le au uso o Saulo i latou o sa Peniaminā.
3O Aisera o le alii sili ia, i le ma Ioasa o atalii o Sema le Kipea; ma Ieseelu, ma Pelete, o atalii o Asemau; ma Pereka, ma Ieu o le Anatota.
4O Isemaia o le Kipeona, o le tagata malosi ia i le toatolugafulu, ua ia pule foi i le toatolugafulu, ma Ieremia, ma Iaaseelu, ma Iokana, ma Ieosapa o le Ketere,
5o Elusai, ma Ierimota, ma Pealia, ma Semariau, ma Sefatiao o le Harufi,
6o Elekana, ma Isea, ma Asareelu, ma Ioesera, ma Iasapama o sa Korū;
7o Ioeli, ma Sepatia, o atalii o Ieroama i Kitoru.
8Ua vavae mai o sa Katō ia Tavita i le ‘olo i le vao, o toa malolosi, o tagata o ‘au e taulia le taua, e masani i le talita, ma le tao; o latou mata foi o mata o leona, ua tele vavave foi i latou e pei o sevi i mauga;
9o Esera o le muamua, o Opetaia le toalua, o Eliapo le toatolu,
10o Mesemana le toafa, o Ieremia le toalima,
11o Atai le toaono, o Elielu le toafitu,
12o Iokana le toavalu, o Elesapata le toaiva,
13o Ieremia le toasefulu, o Makapanai le toasefulu ma le toatasi.
14O le fanauga ia a Kato, o e avea ‘au; e taitoatasi o e aupito iti ma pule i le toaselau, e taitoatasi foi o e sili ma pule i le toaafe.
15O i latou nei na sopoia Ioritana i le masina muamua ina ua o‘o‘o tutū ona auvai uma; na latou tulia i latou uma o e na i vanu i sasae atoa ma i sisifo.
16Na o mai nisi o le fanauga a Peniamina ma Iuta i le ‘olo ia Tavita.
17Na alu atu Tavita ia te i latou, ma ua fai atu, ua faapea atu ia te i latou, Afai ua outou o mai ma le filemu ia te au e fesoasoani mai ia te au, tatou te loto gatasi ma outou; a e afai ua outou o mai e faalataina a‘u i e o faia a‘u mo latou fili, auā e leai so‘u saua, ia sisila mai le Atua o tatou tamā, ma ia aoai atu ai.
18Ona ufitia lea e le Agaga o Amase le alii sili o e ave ‘au ua fai atu, Tavita e, e ia te oe i matou nei, le atalii o Iese e, tatou te ‘au ma oe; ia ia te oe le manuia, le manuia lava, ia i ai foi le manuia i e fesoasoani ia te oe; auā o loo fesoasoani lou Atua ia te oe. Ona talia ai lea o i latou e Tavita, na faia foi i latou ma e ave ‘au.
19Ua sola mai foi nisi o Manase ia Tavita, ina o sau o ia ma Filisitia e tau le taua ma Saulo; a ua latou le fesoasoani ia te i latou; auā ua aueseina atu o Tavita e alii o Filisitia e tusa ma le filifiliga, ua faapea ane, E toe sola atu o ia i lona alii o Saulo ma o tatou ulu.
20Na alu o ia i Sekeleka, ona sola mai lea ia te ia nisi o Manase, o Atana, ma Iosapatu, ma Ietiaelu, ma Mekaeli, ma Iosapatu, ma Eliu, ma Seletai, o e ave ‘au e taitoaafe a Manase.
21Ua latou fesoasoani ia Tavita e tau ma ‘au, auā o toa malolosi i latou uma, o i latou foi e ave ‘au.
22Auā o ona po ia na o mai ai i lea aso ma lea aso nisi ia Tavita e fesoasoani ia te ia, ua ave ma ‘au e tele, e pei o le ‘au a le Atua.
23O le fitau lenei o tagata ua saunia i le taua, na o mai ia Tavita i Heperona e liliu ai ia te ia le malo o Saulo, e tusa ma le afioga a Ieova.
24O le fanauga a Iuta e na i ai le talita ma le tao, e ono o afe ma le valu o selau, o saunia i le taua.
25O e o le fanauga a Simeona o toa malolosi e tau, e fitu afe ma le selau.
26O e o le fanauga a Levi, e fa afe ma le ono o selau.
27O Ioiata o le pule i sa Aronā, sa ia te ia e tolu afe ma le fitu selau;
28o Satoka o le taulealea o le toa malosi, ma le toalua fulu ma le toalua o e ave ‘au ai le aiga o lona tama.
29O e o le fanauga a Peniamina o aiga o Saulo, e tolu afe; auā ua oo mai i ia ona po na leoleo ai le toatele o i latou i le aiga o Saulo.
30O e o le fanauga a Efaraima, e lua sefulu afe ma le valu o selau, o toa malolosi, na ta‘ua i latou i le aiga o latou tamā.
31O e o le tasi vaega o le itu aiga o Manase, e sefulu ma le valu o afe, o e na ta‘ua i o latou igoa, e o mai e fai Tavita ma tupu.
32O e o le fanauga a Isakara, sa popoto e faautauta e iloa ai mea e tatau ona faia e Isaraelu i ia ona po, o alii sili e lua selau, o latou uso uma foi e faalogologo mai ia i latou.
33O e o Sepulona e na o atu e tau, ua sauniuni i le taua ma auupega uma o le taua, e lima sefulu afe, o e na popoto i pae tau; e lei faalotolotolua i latou.
34O e o Nafatali foi, e tasi le afe o e ave ‘au, atoa ma tagata e tolu sefulu afe ma afe e fitu ua i ai talita ma tao.
35O e o sa Tanū, ua sauniuni i le taua, e lua sefulu afe ma afe e valu ma le ono selau.
36O e o Asera e na o atu e tau ua sauniuni i le taua, e fa sefulu o afe.
37O e mai le tasi itu o Ioritana o sa Reupenā, ma e o sa-Katō, ma e o le tasi vaega o le itu aiga o Manase, ua i ai auupega uma e tau ai le taua, e tasi le selau o afe ma afe e lua sefulu.
38O ia ‘au uma o le taua o e ua popoto e pae tau, na o mai i latou i Heperona ma le loto atoa e fai ai Tavita ma tupu o Isaraelu uma; atoa ma e na totoe uma o Isaraelu na loto gatasi e fai Tavita ma tupu.
39Na i ai i latou ma Tavita i aso e tolu, o aai ma inu; auā na saunia mea e o latou uso mā latou.
40O i latou foi ua vava lalata ma i latou, ua oo ia Isakara, ma Sepulona, ma Nafatali, ua latou au mai ai areto i luga o asini, ma kamela, ma falata, ma povi, o mea e ‘ai o falaoa, ma potopotogā mati, ma fui fui vine mago, ma le uaina, ma le suāuu, ma povi, ma mamoe e matuā tele; auā sa i ai le fiafia i Isaraelu.
Who We AreWhat We EelieveWhat We Do
2025 by iamachristian.org,Inc All rights reserved.
