1Ua tali mai pea Eliu, ua faapea mai,
2Faafogafoga mai i a‘u upu o outou o e popoto; o outou o e silafia mea, ina liliu mai ia o outou fofoga ia te au.
3Auā e faamasino e le taliga i upu, e pei ona tofotofo e le gutu i mea e ‘ai.
4Ina tatou filifili ia le tonu mo i tatou; ia tatou iloa e i tatou lava, po o le a le lelei.
5Auā ua faapea mai Iopu, Ua ou amiotonu; ua aveesea foi e le Atua lo‘u faamasinoga.
6Ua avea a‘u ma pepelo i lo‘u faamasinoga, ua manua leaga lava a‘u, a e leai so‘u solitulafono.
7O ai ea se tagata e tusa ma Iopu, o le ua inu i le faifaiga e pei ona inu i le vai?
8O le ua fefaauoai foi ma i latou ua fai amioletonu, ma feoai ma tagata amio leaga.
9Auā ua ia fai mai, e le aoga i le tagata ona ia fiafia o ia i le Atua.
10O lenei, tagata atamamai e, faafogafoga mai ia ia te au; e mamao ma le Atua ona ia amio leaga, ma Le e ona le malosi uma lava ona ia amioletonu.
11Auā e taui atu e ia i le tagata lana lava galuega; na te faatatau foi i tagata taitoatasi e tusa ma lona ala.
12E moni lava e le amioleaga le Atua, e le faapiopioina foi e Le e ona le malosi uma lava le faamasinoga.
13O ai ea ua tofia o ia e pule i le lalolagi? Po o ai foi ua saunia le atu laulau uma lava?
14Afai e faapea ona finagalo o ia ia te ia, na te faafoisia ia te ia lona agaga ma lana mānava;
15ona oti ai lea o tagata uma lava faatasi, ma toe foi atu tagata i le eleele.
16Afai ua ia te oe le mafaufau, ina e faafofoga mai ia i lenei mea; liliu mai ia ou fofoga i a‘u lava upu.
17E pule ea lē ua ‘ino‘ino i le tonu? E te faasalaina ea foi lē ua matuā amiotonu lava?
18E fai atu ea i le tupu, Ua e ulavale? Ma alii, Ua amio leaga outou?
19Pe fai atu ea i le na te le faailogaina alii sili, ma ua le sili lona silasila i lē mauoa i lona silasila i lē mativa? Auā o le galuega a ona aao i latou uma.
20E oti faafuasei i latou, o le tulua o po ma ao e faagateteina ai le nuu, ma mavae atu ai; e avea foi ē malolosi, a e le se lima e avea ai.
21Auā ua silasila o ia i ala o tagata taitoatasi, ua ia silafia foi ona savaliga uma.
22E leai se pouliuli, e leai foi se ata o le oti e lalafi ai o e fai amio leaga.
23Auā e le tatau i le tagata ona manao pea ia alu atu i le Atua e fai se faamasinoga.
24E tu‘imomomoina e ia o e malolosi e le mafaitaulia, ma faatuina e ia nisi e sui a‘i i latou.
25Ua ia silafia a latou galuega, o le mea lea ua ia lafoia ai i latou i le po, ona tu‘imomomoina ai lea o i latou.
26Ua amio leaga i latou, o le mea lea ua ia sasa ai ia te i latou i le mea e vaavaai ai tagata;
27ina ua latou o ese ua le mulimuli ia te ia, ma ua le manatu i latou i se tasi o ona ala.
28Ua oo atu ai ia te ia le alaga o le ua mativa, ua ia faafofoga foi i le alaga o e ua puapuagatia.
29A tuuina mai e ia le filemu, po o ai ea na te faaatuatuvaleina? A ‘alo foi ona fofoga, po o ai se na te iloa o ia? Pe faia i se nuu, po o se tagata e toatasi;
30ina ne‘i fai ma tupu le tagata amio faalematau, ne‘i maileia ai le nuu.
31E tatau lava ina fai atu i le Atua, Ua aoaiina a‘u, ou te le toe agaleaga.
32O se mea ua ou le iloa ia e a‘oa‘o mai ai e oe ia te au; afai ua ou faia se amio leaga, ou te le toe faia.
33Pe faatatau ea i lou manatu ona taui atu ai e ia i amio, auā ua e teteeina atu, po ua e loto i ai lava oe, a e le o a‘u? O lenei, ta‘u mai ia se mea ua e iloa.
34E fai mai ia te au tagata atamamai, ma le tagata poto o lē faalogo mai ia te au,
35Ua tautala Iopu ma le le iloa, ua fai ana upu ma le le mafaufau.
36O lo‘u loto lenei, ia matuā suesueina lava Iopu, ona o ana tali e pei o tagata amio leaga.
37Auā ua ia faaopoopoina le fouvale i lana agasala, ua ia pati ona lima ia te i tatou, ua ia faateleina foi ana upu i le Atua.
Who We AreWhat We EelieveWhat We Do
2025 by iamachristian.org,Inc All rights reserved.
