1Ua fetalai mai foi Ieova ia Iosua, ua faapea mai, Ia e fai atu i le fanauga a Isaraelu, ia faapea atu,
2Ia outou tofia mo outou o aai e fai ma sulufaiga, e pei ona ou fai atu ai ia te outou na aumaia e Mose,
3ina ia sola i ai o le fasioti tagata, o le ua pa‘ivalea ai se tasi ia te ia ma le le iloa; e faia ma sulufaiga mo outou ai le na te tauia ma sui le toto.
4O le na te sola atu foi i le tasi o ia aai, ma tu atu o ia i le puipui o le faitotoa o le aai, ma ta‘u atu ana upu i toeaina o lea aai; ona latou talia ai lea o ia i le aai, ma tuu atu ia te ia se mea e nofo ai o ia faatasi ma i latou.
5Afai foi e tuliloa atu ia te ia o lē taui ma sui le toto, latou te le tuuina atu o le fasioti tagata i lona lima; auā na ia fasioti lē la te tuaoi ma le le iloa; a e lei muai ita i ai.
6E nofo foi o ia i lena aai seia tu mai o ia i luma o le faapotopotoga e faamasinoina ai, seia oti le faitaulaga sili e i ai i ia ona po; ona toe foi atu ai lea o le fasioti tagata, ma alu atu i lona aai, ma lona fale, o le aai lava na ia sola mai ai.
7Ona faasaina lea e i latou o Katesa, o loo i Kalilaia i le mauga o Nafatali, ma Sekema o i le mauga o Efaraima, ma Kiriata-arapa, o Heperona lea, o i le mauga o Iuta.
8O le la itu o Ioritana foi, i sasae o Ieriko, ua latou tofia ai o Peseri i le vao, i le eleele laugatasi o le itu aiga o Reupena; ma Ramota i Kiliata, o le itu aiga o Kato; ma Koleni i Vasana, o le itu aiga o Manase.
9O aai ia na tofia mo le fanauga uma a Isaraelu, ma le tagata ese e āumau ia te i latou, ina ia sola atu i ai o le ua pa‘ivalea se tasi ia te ia, ia le oti o ia i le lima o le taui ma sui le toto, seia tu mai o ia i luma o le faapotopotoga.
Who We AreWhat We EelieveWhat We Do
2025 by iamachristian.org,Inc All rights reserved.
