1Ieova e, e olioli le tupu i lou malosi; e matuā fiafia lava ia i lau faaolataga.
2Ua e foaiina ia te ia le manao o lona loto; ua e le faafiti foi ia te ia le mea na ole atu ai ona laugutu. Selā.
3Auā ua tomua mai ia te ia le manuia silisili mai ia te oe; ua e faaee i lona ao le palealii auro lelei.
4Na ia faatogaina atu ia te oe ina ia ola, ona e foaiina mai ai lea ia te ia o le ola tulu‘i faavavau faavavau lava.
5Ua tele lava lona mamalu i lau faaolataga; ua e faaeetia i ona luga le viiga ma le matagofie.
6Auā ua e tuuina ia te ia le manuia e oo i le faavavau; ua e faaolioliina o ia i le fiafia i ou luma.
7Auā ua faatuatua le tupu ia Ieova; ona o le alofa o lē Silisili ese e le faagaeetia ai o ia.
8E maua e lou aao o i latou uma o e ita ia te oe; e maua lava e lou aao taumatau o e ‘ino‘ino ia te oe.
9E te faia i latou e pei o le umu aasa i ona po o lou toasa; e faaumatia i latou e Ieova i lona toasa, e faaumatia i latou i le afi.
10E fano lava ia te oe o latou gafa ai le lalolagi, ma a latou fanau e fano ia nai le fanau a tagata.
11Auā na latou manatu i se mea leaga ia oo ia te oe; na latou mafaufau i se togafiti leaga, a e latou te le mafaia.
12Auā e te faaliutuaina mai i latou, e te saunia au fu‘a e fana atu ai ia te i latou.
13Ieova e, ia faasilisiliina oe i lou malosi; matou te pepese ma fai pesega i lou mana.
Who We AreWhat We EelieveWhat We Do
2025 by iamachristian.org,Inc All rights reserved.
