1Sa nonofo alii o le nuu i Ierusalema; a o e na totoe o le nuu ua latou fai le vili, e au mai le tasi mai taitoasefulu e nofo i Ierusalema le aai paia, a e tuua le taitoaiva i nisi aai.
2Ona faamanuia lea e le nuu o tagata uma, e na ofo fua e nonofo i Ierusalema.
3O matai nei o le nuu o e sa nonofo i Ierusalema; a ua nonofo i aai o Iuta taitoatasi i lona tofi i o latou aai, o Isaraelu, o faitaulaga, ma sa Levī, ma le au netini, ma le fanauga a auauna a Solomona.
4Sa nonofo foi i Ierusalema nisi o le fanauga a Iuta, ma nisi o le fanauga a Peniamina. O le fanauga a Iuta; o Ataia le atalii o Usi, o le atalii ia o Sakaria, o le atalii ia o Amaria, o le atalii ia o Sefatia, o le atalii ia o Maalaelu, ai le fanauga a Faresa;
5o Maaseia foi le atalii o Paruka, o le atalii ia o Kolokuse, o le atalii ia o Hasaia, o le atalii ia o Ataia, o le atalii ia o Ioiaripa, o le atalii ia o Sakaria, o le atalii ia o Seloni.
6O le fanauga uma a Faresa o e sa nonofo i Ierusalema e fa selau ma le toaonogafulu ma le toavalu, o tagata malolosi.
7O le fanauga foi nei a Peniamina; o Salu le atalii o Mesulama, o le atalii ia o Ioeta, o le atalii ia o Petaia, o le atalii ia o Kulaia, o le atalii ia o Maaseia, o le atalii ia o Itielu, o le atalii ia o Isaia.
8E aupito ane foi ia te ia o Kapai, ma Salai, e toaiva selau ma le toaluafulu ma le toavalu.
9Na pule foi ia te i latou o Ioelu le atalii o Sekeri; o lona lua foi o pule i le aai, o Iuta lea le atalii o Senua.
10O faitaulaga; o Ietaia le atalii o Ioiaripa, ma Iakinu,
11o Seraia le atalii o Hilikia, o le atalii ia o Mesulama, o le atalii ia o Satoka, o le atalii ia o Meraiota, o le atalii ia o Akitopo, na pule ia i le fale o le Atua.
12O latou uso foi o e na fai le galuega i le fale, e valu selau ma le toaluafulu ma le toalua i latou; o Ataia foi le atalii o Ieroama, o le atalii ia o Pelalia, o le atalii ia o Amesi, o le atalii ia o Sakaria, o le atalii ia o Pasura, o le atalii ia o Malekia,
13ma ona uso o matai sili, e lua selau ma le toafagafulu ma le toalua; ma Amasesai le atalii o Asareelu, o le atalii ia o Aasai, o le atalii ia o Meselemita, o le atalii ia o Imeru,
14o latou uso foi, o toa malolosi, e selau e toaluafulu ma le toavalu; na pule foi ia te i latou o Sapetielu le atalii o Hagetolima.
15O sa Levī foi; o Semaia le atalii o Hasupo, o le atalii ia o Aserikama, o le atalii ia o Hasapea, o le atalii ia o Puni;
16o Sapetai foi ma Iosapata, o matai o sa Levī, na la pule i le galuega i fafo o le fale o le Atua.
17O Matenaia foi le atalii o Mika, o le atalii ia o Sapata, o le atalii ia o Asafo, o le matai lea e amata ai le faafetai ma le tatalo; o Pakepuka foi, o lona lua lea i ona uso, ma Apeta, le atalii o Samua, o le atalii ia o Kalali, o le atalii ia o Iutana.
18O sa Levī uma i le aai paia, e lua selau ma le toavalugafulu ma le toafa i latou.
19O leoleo faitotoa foi, o Akupa ma Talemoni, ma o latou uso o e na leoleo i faitotoa, e tasi le selau ma le toafitugafulu ma le toalua i latou.
20O e na totoe o Isaraelu, o faitaulaga, ma sa Levī, sa i aai uma o Iuta i latou taitoatasi i lona tofi.
21A o le au netini, ua latou nonofo i Ofele; na pule foi i le au netini o Seka ma Gisepa.
22O le na pule foi i sa Levī i Ierusalema, o Usi le atalii o Pani, o le atalii ia o Hasapea, o le atalii ia o Matania, o le atalii ia o Mika. O le fanauga a Asafo, o e pepese na pule i latou i le galuega i le fale o le Atua.
23Auā o le poloaiga a le tupu ia te i latou, ia fai le vaega o mea e ‘ai a e pepese i lea aso ma lea aso.
24O Petakia foi le atalii o Mesesapelu, ai le fanauga a Sera le atalii o Iuta, sa i tafatafa o le tupu ia i mea uma a le nuu.
25O faoa aai foi ma o latou fanua; sa nonofo nisi o le fanauga a Iuta i Kiriata-arapa ma ona faoa aai, ma Tipona ma ona faoa aai, ma Kapeseelu ma ona faoa aai,
26ma Iosua, ma Molata, ma Petepaleta,
27ma Hasarasualo, ma Peresepa ma ona faoa aai,
28ma Sekeleka, ma Mekoni ma ona faoa aai,
29ma Ainorimoni, ma Sorea, ma Iaremuta,
30o Sanoa, o Atulama ma o la faoa aai, o Lakisa ma ona fanua, o Aseka ma ona faoa aai. Ua latou nonofo foi e pau mai Peresepa ua oo atu i le vanu o Hinoma.
31O le fanauga foi a Peniamina e pau mai i Kipea e pau mai foi i Mekemase, ma Ai, ma Peteli ma o latou faoa aai,
32o Anatota, o Nove, o Anania,
33o Hasora, o Rama, o Kitaima,
34o Hatito, o Sepoima, o Nepalatu,
35o Loto, ma Ono o le vanu o tufuga.
36Sa i ai foi Iuta, ma Peniamina o vasega o sa Levī.
Who We AreWhat We EelieveWhat We Do
2025 by iamachristian.org,Inc All rights reserved.
