1Ua ia faapea mai ia te au. Le atalii e o le tagata, ina tulai ia i luga i ou vae, ou te fai atu ai ia te oe
2Ua ulu mai foi le Agaga i totonu ia te au ina o fetalai mai o ia ia te au, ua ia faatuina mai foi a‘u i luga i o‘u vae, ona ou faalogo atu lea i le na fetalai mai ia te au.
3Ona fetalai mai lea o ia ia te au, Le atalii e o le tagata, ou te auina atu oe i le fanauga a Isaraelu, o le nuu fouvale, o e ua fouvale mai ia te au; o i latou, atoa ma o latou tamā, ua latou solia a‘u tulafono, ua oo mai i lenei lava aso.
4O tagata mata le mamā, ma le loto maaa, ou te auina atu ai oe ia te i latou; e te fai atu ia te i latou. Ua faapea ona fetalai mai ai o le Alii o Ieova.
5O i latou foi, pe latou te faalogo, pe leai, auā o le aiga fouvale i latou, latou te iloa sa i ai le perofeta ia te i latou.
6O oe na foi, le atalii o le tagata aua e te fefe ia te i latou, aua foi e te fefe i a latou upu e ui ina ua outou i ai ma e o fouvale ma mea matuitui ma outou nonofo ma akarava, aua e te fefe i a latou upu aua foi e te mata‘u i o latou mata, e ui lava o le aiga fouvale i latou.
7Ia e fai atu lava a‘u upu ia te i latou, pe latou te faalogo pe leai, auā ua fouvale lava i latou.
8A o oe le atalii o le tagata, faalogo mai ia i le mea ou te fai atu ai ia te oe. Aua e te fouvale oe, e pei o lena aiga fouvale; ina faamaga ia o lou gutu, ma e ‘ai le mea ou te avatu ai ia te oe.
9Ua ou vaai, faauta foi o le lima ua tuu mai ia te au; faauta foi, ua i ai le tusi taai.
10Ua ia fofolaina ai i ou luma, ua tusia ai i totonu ma tua, ua tusi ai o auega, ma faanoanoaga, ma lauaitu.
Who We AreWhat We EelieveWhat We Do
2025 by iamachristian.org,Inc All rights reserved.
