1Talofa i e o faatalanoa i Siona, ma e o nonofo faatalanoa i le mauga o Samaria, e ua ta‘ua i atu nuu silisili, na ō i ai le aiga o Isaraelu.
2Ia outou o atu i Kalene, ma vaavaai atu, i le tou o atu ai i Amato tele; i le o ifo ai i Kata i Filisitia; e sili ea lo latou lelei i na malo, pe sili ea ona tele o lo latou laueleele i lo outou laueleele?
3Talofa i e ua manatu ua mamao le aso vale, ma faalatalata mai le nofoa o i ai le faasaua;
4o e taooto i moega nifo elefane, ma latou taooto i o latou moega; ma aai i tamai mamoe o le lafu, ma tamai povi ai le fale povi;
5o e pepese faatasi ma le leo o le napeli, ma latou sauni mo i latou laaupese, e pei o Tavita;
6o e inu uaina i ipu tetele, ma uu ia te i latou i uu e sili ona lelei; a ua le tiga i latou ona o le malaia o Iosefa.
7O le mea lea e tāfea ai nei i latou, e muamua i e tāfea, e mavae atu le alaga fiafia o e taooto.
8Ua tauto le Alii o Ieova i lona soifua, o loo fetalai mai ai Ieova le Atua o ‘au, Ua ou ‘ino‘ino i le mamalu o Iakopo, ua ou ‘ino‘ino foi i ona maota; o le mea lea ou te tuuina atu ai le aai atoa ma mea ua tumu ai.
9Afai foi e totoe tagata e toatinoagafulu i le fale e tasi, latou te oti ai lava.
10E siitia se tasi e le uso o lona tamā, o le na te susunu foi ia te ia, e au mai ai ivi ai le fale; na te faapea atu i le ua i mea aupito i totonu o le fale, Pe ai se tasi ua i ai pea ia te oe? Ona tali atu foi lea o ia, E leai lava. Ona faapea mai lea o ia, Faalologo ia auā e le tatau ona ta‘ua o le suafa o Ieova.
11Auā faauta mai ea, ua poloai atu Ieova, na te taia foi le fale tele ia solo, ma le fale itiiti ia lepetia.
12E taufetuli ea solofanua i le papa? pe suatia ai ea e se tasi i povi? auā ua outou liu i rosa le faamasinoga, ma le fua o le amiotonu i laena.
13O outou o e fiafia i se mea faatauvaa, o e faapea mai, Po ua le maua mai ea i lo tatou malosi o nifo mo i tatou?
14A o lenei, faauta mai, le aiga o Isaraelu e, ou te faatuina se tasi nuu, latou te fai oe mo latou fili, o loo fetalai mai ai Ieova le Atua o ‘au; latou te faasaua ia te outou, e pau mai i le mea e ui atu ai i Amato, e pau mai i le vaitafe o le vao.
Who We AreWhat We EelieveWhat We Do
2025 by iamachristian.org,Inc All rights reserved.
