1O i ai lava le mea e maua ai le ario, ma le mea mo le auro latou te faamamāina ai.
2E maua le uamea i le eleele, e tunu ia liu suāvai le maa e maua ai ‘apa memea.
3E faagataina e le tagata le pouliuli, e matuā suesueina foi e ia mea uma; o maa o i ai i le pouliuli ma le ata o le oti.
4E elia e ia le lua maulalo e mamao ma le mea e nonofo ai tagata, e faagalogaloina e le vae; ua latou tautau ma tāupe e mamao ae ma tagata.
5E tupu mai mea e ‘ai i le laueleele; o ona lalo foi pe a suatia e i ai e peiseai o le afi.
6O ona maa o le mea lea e i ai safaira, e i ai foi efuefu auro.
7O le ala i ai e le iloa e le manu lele e feai, e le vaai i ai foi mata o le aia.
8E le savavali i ai manu feai, e le ui ai le leona.
9E tago atu le lima o le tagata i le papa alā, na te fulisia mauga ai o latou vae mauga.
10E foa e ia alāvai i papa; e vaai atu foi ona mata i mea tāua uma.
11E punitia e ia vaitafe ia le tulutulu ifo; na te au mai foi i le malamalama le mea sa lilo.
12Ao le poto e maua lea i fea? Po o i fea foi le mea o iai le mafaufau?
13E le iloa sona tau e le tagata; e le maua foi i le nuu o tagata ola.
14Ua fai mai le moana, E le o i ai lea ia te au; ua fai mai foi le sami, E le o ia te au.
15E le taulia i auro lelei, e le fuatia atu foi ario e faatau a‘i.
16E le faatatauina i auro mai Ofeira, po o le soama tāua, po o le safaira.
17E le faatusatusa i ai auro ma maa tioata; e le fesuiaiina foi i teugāauro lelei.
18E le ta‘ua ramuta ma le kapesa, auā a maua le poto e sili lea i penina.
19E le faatusatusa i ai le topasi mai Kusa, e le faatatauina i auro lelei.
20O lenei, pe sau mai fea le poto? Po o i fea foi le mea o iai le mafaufau?
21Auā ua natia i mata o e ola uma lava, ua lilo foi i manu felelei.
22Ua fai mai le malaia ma le oti, Ua lagona e o ma taliga lona logo.
23Ua silasila le Atua i lona ala, o ia lava ua silafia le mea o i ai.
24Auā o loo silasila o ia i tuluiga o le lalolagi; o loo silafia e ia i lalo o le lagi uma;
25ina ia faatatau ai le mamafa o le matagi, ma ia fuatia ai vai i le fua.
26O ona po na ia faia le tulafono mo le ua, ma le ala mo le uila o le faititili;
27Na silafia ai e ia, ma na faaalia mai ai; na ia saunia, ma na suesueina lava.
28Na fetalai mai foi o ia i le tagata, Faauta, o le mata‘u i le Alii, o le poto lava lea; o le ‘alo ese i le amio leaga, o le mafaufau lea.
Who We AreWhat We EelieveWhat We Do
2025 by iamachristian.org,Inc All rights reserved.