1Ona faalatalata mai lea o matai sili o sa Levī ia Eleasaro le faitaulaga, ma Iosua le atalii o Nuno, ma matai sili o itu aiga o le fanauga a Isaraelu;
2ma latou fai atu ia te i latou i Sailo i le nuu o Kanana, ua faapea atu, Na poloai mai Ieova ia Mose, ia tuuina mai ia te i matou o aai e nonofo ai, ma o latou tuāfanua mo a matou manu.
3Ona tuuina atu lea e le fanauga a Isaraelu i sa Levī, ai o latou tofi, e pei o le afioga a Ieova, o ia aai ma o latou tuāfanua.
4Ua faasaga le vili i aiga o sa Koatō; o atalii foi o Arona le faitaulaga, e o sa Levī, na maua e i latou le tofi ai le itu aiga o Iuta, ma le itu aiga o Simeona, ma le itu aiga o Peniamina, o aai e sefulu ma le tolu.
5O e na totoe o atalii o Koato, na maua e i latou le tofi ai aiga o le itu aiga o Efaraima, ma le itu aiga o Tanu, ma le tasi vaega o le itu aiga o Manase, o aai e sefulu.
6Na maua foi le tofi e atalii o Keresona ai aiga o le itu aiga o Isakara, ma le itu aiga o Asera, ma le itu aiga o Nafatali, ma le tasi vaega o le itu aiga o Manase i Vasana, o aai e sefulu ma le tolu.
7Na maua le tofi e atalii o Merari e tusa ma o latou aiga, ai le itu aiga o Reupena, ma le itu aiga o Kato, ma le itu aiga o Sepulona, o aai e sefulu ma le lua.
8Na tofia i le vili e le fanauga a Isaraelu i sa Levī o ia aai ma o latou tuāfanua, e pei ona fetalai mai ai o Ieova ia Mose.
9Ona tuuina atu lea e i latou ai le itu aiga o le fanauga a Iuta, ma le itu aiga o le fanauga a Simeona, o ia aai ua ta‘ua o latou igoa,
10sa i ai i atalii o Arona, o i latou ua aiga ma Koato, o le fanauga a Levi, auā sa ia te i latou le tofi muamua.
11Ua tuuina atu foi ia te i latou le aai o Arapa le tamā o Anaki, o Heperona lea, i le atu mauga o Iuta, ma ona tuāfanua e siosio ai.
12A o fanua o le aai ma ona faoa aai, ua tuuina atu e i latou ia Kalepo le atalii o Iefune, e fai mona.
13Ua latou tuuina atu i atalii o Arona le faitaulaga, o Heperona ma ona tuāfanua, e fai ma aai o sulufaiga mo le fasioti tagata; ma Lipena ma ona tuāfanua;
14ma Iatira ma ona tuāfanua; ma Esetemoa ma ona tuāfanua;
15ma Holona ma ona tuāfanua; ma Tiperi ma ona tuāfanua;
16ma Aino ma ona tuāfanua; ma Iutaa ma ona tuāfanua; ma Petesemesa ma ona tuāfanua; o aai e iva mai ia itu aiga e lua.
17Mai le itu aiga foi o Peniamina, o Kipeona ma ona tuāfanua; ma Kipea ma ona tuāfanua;
18ma Anatota ma ona tuāfanua; ma Alemoni ma ona tuāfanua; o aai e fa.
19O aai uma o le au faitaulaga, o atalii o Arona, o aai e sefulu ma le tolu, ma o latou tuāfanua.
20O aiga o atalii o Koato, o sa Levī na totoe o atalii o Koato, sa i ai aai o latou tofi ai le itu aiga o Efaraima.
21Ua latou tuuina atu ia te i latou o Sekema ma ona tuāfanua, i le mauga o Efaraima, e fai ma aai o sulufaiga mo le fasioti tagata; ma Kasera ma ona tuāfanua;
22ma Kipesaima ma ona tuāfanua; ma Peteorana ma ona tuāfanua; o aai e fa.
23Mai le itu aiga o Tanu, o Eliteka ma ona tuāfanua; ma Kipetonu ma ona tuāfanua;
24ma Ailona ma ona tuāfanua; ma Katarimoni ma ona tuāfanua; o aai e fa.
25Mai le vaeluaga foi o le itu aiga o Manase, o Tanaka ma ona tuāfanua; ma Katarimoni ma ona tuāfanua; o aai e lua.
26O aai uma e sefulu, ma o latou tuāfanua mo aiga o atalii o Koato o e na totoe.
27O atalii o Keresona, o aiga o sa Levī, na latou tuuina atu i ai, ai le isi vaega o le itu aiga o Manase, o Koleni i Vasana ma ona tuāfanua, e fai ma aai o sulufaiga mo le fasioti tagata; ma Peseteri, ma ona tuāfanua; o aai e lua.
28Mai le itu aiga foi o Isakara, o Kiseona ma ona tuāfanua; ma Taperu ma ona tuāfanua;
29ma Iaremuta ma ona tuāfanua; ma Enekanima ma ona tuāfanua; o aai e fa.
30Mai le itu aiga foi o Asera, o Mesala ma ona tuāfanua; ma Apetonu ma ona tuāfanua;
31ma Kelekata ma ona tuāfanua; ma Reopa ma ona tuāfanua; o aai e fa.
32Mai le itu aiga foi o Nafatali, o Katesa i Kalilaia, ma ona tuāfanua, e fai ma aai o sulufaiga mo le fasioti tagata; ma Amatatoro ma ona tuāfanua; ma Karetana ma ona tuāfanua; o aai e tolu.
33O aai uma o sa Keresonā, e tusa ma o latou aiga, o aai e sefulu ma le tolu, ma o latou tuāfanua.
34 Ua tuuina atu foi i aiga o atalii o Merari, o e na totoe o sa Levī, mai le itu aiga o Sepulona, o Iokeneama ma ona tuāfanua; ma Karata ma ona tuāfanua;
35o Timena ma ona tuāfanua; ma Naalali ma ona tuāfanua; o aai e fa.
36Mai le itu aiga foi o Reupena, o Peseri ma ona tuāfanua; ma Iaesa ma ona tuāfanua;
37o Katemoti ma ona tuāfanua; ma Mefata ma ona tuāfanua; o aai e fa.
38Mai le itu aiga foi o Kato, o Ramota i Kiliata, ma ona tuāfanua, e fai ma aai o sulufaiga mo le fasioti tagata; ma Maanaima ma ona tuāfanua;
39o Hesepona ma ona tuāfanua; o Iasaru ma ona tuafanua; o aai uma e fa.
40O aai uma o atalii o Merari, e tusa ma o latou aiga, o e na totoe i aiga o sa Levi, o lo latou tofi o aai e sefulu ma le lua.
41O aai uma o sa Levī i totonu o le tofi o le fanauga a Isaraelu, o aai ia e fagafulu ma le valu, ma o latou tuāfanua.
42O ia aai sa taitasi ma ona tuāfanua e siosio ai; sa faapea ia aai uma lava.
43Ua foaiina atu e Ieova ia Isaraelu le nuu uma na ia tauto ai e foai atu i o latou tamā, ua latou fai mo latou, ma nonofo ai.
44Ona avatua lea e Ieova o le mapusaga ia te i latou i itu uma, e pei o mea uma na ia tauto ai i o latou tamā; e lei tu mai i o latou luma se tagata o i latou uma e na ita ia te i latou; ua tuuina atu e Ieova o i latou uma e na ita ia i latou i o latou lima.
45E lei iuvale se upu i upu lelei uma na fetalai mai ai Ieova i le aiga o Isaraelu; ua taunuu uma lava.
Who We AreWhat We EelieveWhat We Do
2025 by iamachristian.org,Inc All rights reserved.
