1O lona sefulu ma le fa o tausaga o le tupu o Esekia na sii ai le taua e Sanerivi le tupu o Asuria i aai uma o Iuta e nofo ‘olo, ma na aea ai.
2Ua aauina mai foi e le tupu o Asuria mai Lakisa o Ravesaki ma ‘au e tele, i Ierusalema i le tupu o Esekia; ua tu mai ia e latalata ane i le alavai o le vailepa aupitoaluga, i le ala tele o le fanua o le ta ofu.
3Ona o atu ai lea ia te ia o Eliakimo le atalii o Hilikia, o le na pule i le aiga, ma Sevena le tuisupu, ma Ioaa le atalii o Asafo le fātuaiupu.
4Ona fai mai ai lea o Ravesaki ia te i latou, Ia outou fai atu ia Esekia, o loo faapea ona fetalai mai o le tupu silisili, o le tupu o Asuria, Pe se a lea faatuatuaga ua e faatuatua i ai?
5Ua e faapea ane, (a o upu faatauvaa lava,) ua ia te oe le poto ma le malosi e fai a‘i taua; o lenei, pe e te faatuatua ia te ai, ua e fou ai a‘u?
6Faauta, ua e faatuatua i lena tootoo u ua gapēpē o Aikupito, a tootoo i ai se tagata e tuia ai lona lima ia ati; e faapea lava Farao le tupu o Aikupito ia te i latou uma o e faatuatua ia te ia.
7A e afai e te faapea mai ia te au, Matou te faatuatua ia Ieova lo matou Atua; e le o ia lava ea ua aveeseina ai e Esekia o ana mea maualuluga ma ona fata faitaulaga, ma ua fai atu ia Iuta ma Ierusalema, Ia outou tapuai i luma o lenei fata faitaulaga?
8O lenei, ina au mai ia ni mea e tuu faafaatau i lo‘u alii le tupu o Asuria, ona ou avatu ai lea ia te oe o solofanua e lua afe, pe afai e te mafaia e oe ona ia tofu ma se tietie ai.
9Ia, e mafai faapefea ona e tulia se tasi ta‘ita‘i o auauna e aupito ona faatauvaa a lo‘u alii? A ua e faatuatua ia Aikupito e maua ai kariota ma ‘au e tietie i solofanua?
10Fā‘i ea ua ou sau e aunoa ma Ieova i lenei nuu e faaumatia ai? Na fetalai mai Ieova ia te au, Alu ae ia oe i lena nuu ia faaumatia ai.
11Ona faapea atu ai lea o Eliakimo, ma Sevena, ma Ioaa, ia Ravesaki, Ia e fetalai mai i au auauna i le gagana a Arama, auā matou te lagona ai; a e aua e te fetalai mai ia te i matou i le gagana a Iuta ma le faalogo mai o tagata o i luga o le pa.
12Ona tali mai ai lea o Ravesaki, Ua auina mai ea a‘u e lo‘u alii i lou alii atoa ma oe e tautala atu ai i ia upu, a e le auina ea i tagata o e nonofo i luga o le pa, ina ia latou topalega, ma feinu i o latou lava miaga faatasi ma outou?
13Ona tu mai ai lea o Ravesaki, ua alaga ua leo tele i le gagana a Iuta, ua faapea mai, Faalogologo mai ia i le afioga a le tupu silisili, o le tupu o Asuria.
14O loo faapea ona fetalai mai o le tupu, Aua ne‘i olegia outou e Esekia; auā na te le mafaia ona laveai ia te outou.
15Aua ne‘i faatupuina foi e Esekia so outou faatuatua ia Ieova, o loo faapea ane o ia, E laveai mai lava Ieova ia te i tatou; e le tuuina atu lenei aai i le lima o le tupu o Asuria.
16Aua ne‘i outou faalogo ia Esekia; auā o loo faapea ona fetalai mai o le tupu o Asuria, Ina tatou fai ia se leleiga ma a‘u, ma ia outou o mai ia te au, ona outou aai ai lea taitasi i lona lava vine, ma taitasi i lona lava mati, ma outou taitasi ma inu le vai o lona lava vaieli;
17seia ou alu atu e ave ia te outou i le nuu faapei o lo outou lava nuu, o le nuu o i ai saito ma uaina, o le nuu o i ai areto ma tovine.
18Ia outou ne‘i olegia outou e Esekia, o loo faapea ane, E laveai mai Ieova ia te i tatou. Pe i ai ea se atua o i nuu ua na laveaiina lona lava nuu ai le lima o le tupu o Asuria?
19Po o ifea atua o Amato ma Arepa? Po o ifea atua o Sefavaima? Po o ua latou laveaiina ea Samaria ai lo‘u lima?
20Po o ai ea ni atua uma o ia nuu ua latou laveaiina o latou nuu ai lo‘u lima, ina ia laveaiina Ierusalema e Ieova ai lo‘u lima?
21A ua faalologo i latou, ua latou le tali atu se upu ia te ia; auā sa faapea mai le poloaiga a le tupu, Aua ne‘i tali atu ia te ia.
22Ona o mai ai lea o Eliakimo le atalii o Hilikia, le na pule i le aiga, ma Sevena le tusiupu, ma Ioaa le atalii o Asafo le fātuaiupu, ua o mai ia Esekia, ma o latou ofu ua saei, ua latou tala mai ia te ia o upu a Ravesaki.
Who We AreWhat We EelieveWhat We Do
2025 by iamachristian.org,Inc All rights reserved.
