1Sa i le ekalesia i Anetioka nisi perofeta ma a‘oa‘o; o Panapa, ma Simeona ua igoa ia Nikeru, ma Lukio le Kurene, o Manaena sa tausia faatasi o ia ma Herota le tupu, atoa ma Saulo.
2O latou o auauna i le Alii ma anapopogi, ona fetalai mai lea o le Agaga Paia, Totofi ia mo a‘u o Panapa ma Saulo i le galuega ua ou valaauina ai i laua.
3Ona anapopogi lea o i latou ma tatalo, ma faaee o latou lima ia te i laua, ona tuuina atu lea o i laua e ō.
4O lenei, ua aauina nei tagata e le Agaga Paia, ona o lea o i laua i Selukeia; ua folau atu nai lea mea i Kuperu.
5Ua i Salamina, ona la folafola ai lea o le afioga a le Atua i sunako o tagata Iutaia; ua auauna foi Ioane ia te i laua.
6Ua latou sopo itu i le motu, ua oo atu i Pafo, ua iloa ai e i latou le tasi makoi, o le perofeta pepelo, o le Iutaia, o Paiesu lona igoa;
7sa i ai o ia i le suikonesula, o Sekio Paulo, o le tagata faautauta lea; ua aami lenei tagata ia Panapa ma Saulo, ua manao i le fia faalogo i le afioga a le Atua.
8A o Elima le makoi, (auā o le uiga lea o lona igoa,) ua tetee mai o ia ia te i laua, ua fia faaliliu ese atu e ia i le suikonesula i le faatuatua.
9A o Saulo, (o Paulo foi lea,) ua tumu ia i le Agaga Paia, ua pulatoa ia te ia,
10ona faapea atu lea o ia, O oe na ua tumu i le pepelo uma ma le ulavale uma, o le atalii o le tiapolo, o lē ‘ino‘ino i le amiotonu uma lava; e te le se‘i soia ea lou faapiopio i ala tonu o le Alii?
11Faauta nei, o le a oo ia te oe le aao o le Alii, e tauaso oe, e te le vaai i le la seia se aso. Ona paū loa lea ia te ia o le popogi ma le pouliuli; ona fealuai lea o ia, ma saili ni tagata e ta‘ita‘i ia te ia.
12Ua iloa foi e le suikonesula le mea ua faia, ona talitonu lea o ia, ua matuā ofo i le mataupu a le Alii.
13Ua tuuvaa atu Paulo ma lana au malaga i Pafo, ua oo i latou i Pereka i Pafulia; ua tuua foi i laua e Ioane, ua toe foi o ia i Ierusalema.
14Ua tuua foi Pereka e i laua, ona la oo lea i Anetioka i Pisitia, ua ulufale i laua i le sunako i le aso sapati, ua nonofo i lalo.
15Ua uma foi ona faitau i le tulafono ma perofeta, ona aau atu lea e ua pule i le sunako nisi ia te i laua, ua faapea atu, Sema e, le uso e, afai ua ia te oulua se upu faamafanafana i le nuu nei, ina fai mai ia.
16Oua tu lea o Paulo i luga, ma tālo atu lona lima, ua faapea atu, Outou Isaraelu e, ma outou o e matatau i le Atua, faafofoga mai ia.
17O le Atua o lenei nuu o Isaraelu na filifilia e ia o tatou tamā; ma ua faaeaina le nuu ina o āumau i latou i le nuu o Aikupito, ua ia ta‘ita‘i ese atu ai foi ia te i latou i le aao malosi.
18Ua ia onosai foi i a latou amio i le vao i ona tausaga pe fagafulu.
19Ua uma foi ona oloina e ia o nuu e fitu i le laueleele o Kanana, ona tufatufa ai lea o latou laueleele ia te i latou.
20Ua mavae foi o ia mea, ona tuu atu lea e ia o faamasino mo i latou, e oo lava i le perofeta o Samuelu, i tausaga pe fa o selau ma le limagafulu.
21Mulimuli ane ua latou faatoga i se tupu; ona tuu atu lea e le Atua ia te i latou o Saulo, le atalii o Kiso, o le tagata o le itu aiga o Peniamina, i tausaga e fagafulu.
22Ua na ave ese foi ia te ia, ona faatuina lea e ia o Tavita e fai mo latou tupu; ua ia molitino foi ia te ia, ua faapea ane, Ua ou maua Tavita le atalii o Iese, o le tagata e tusa ma lo‘u nei loto, na te faia o mea uma lava ou te manao i ai.
23O le aiga o lenei tagata ua faatuina ai e le Atua ia Isaraelu le Faaola o Iesu, pei ona folafolaina e ia;
24ina ua muai tala‘i e Ioane, a o lei maliu mai o ia, i le papatisoga o le salamo i le nuu o Isaraelu uma lava.
25Ua fai mai Ioane a o faauma e ia lona faiva, O ai ea a‘u nei i o outou manatu? E le o ia a‘u nei. A e peitai, faauta mai, o loo mulimuli mai le tasi, ou te le aoga ona ou tatala i lona seevae.
26Sema e, le au uso e, o fanau a sa Aperaamō, atoa ma e o matatau i le Atua o ia te outou, ua molia mai le upu o lenei olataga ia te outou.
27Auā o i latou o e nonofo i Ierusalema, ma o latou alii, ina ua le iloa e i latou o ia, ma upu a le au perofeta ua faitauina i lea sapati ma lea sapati, ua taunuu ai ia te i latou i lo latou faasala ia te ia.
28E ui lava ina ua le maua e i latou se mea e tatau ona oti ai o ia, a ua latou fai atu ia Pilato ia fasiotia o ia.
29Ua faaiu foi e i latou mea uma lava na tusia ia te ia, ona ave ifo lea e i latou ia te ia i le laau, ua tuu i le tuugamau.
30A ua toe faatu mai le Atua ia te ia i e ua oti;
31e tele aso na iloa ai o ia e tagata na o ae ma ia uai Kalilaia i Ierusalema; o ana molimau i latou i le nuu.
32Ua ma folafola atu foi le tala lelei ia te outou i le mea na folafolaina atu i o outou tamā;
33ua faaoo lea e le Atua ia te i tatou o a latou fanau, i lona toe faatuina o Iesu; pei ona tusia foi i le salāmo e lua, O lo‘u Atalii oe, ua fanaua oe e a‘u i le aso nei.
34Ona ua toe faatuina mai o ia ia te ia i e ua oti, ia le toe foi atu lava i le mea e pala ai, o lea ua faapea ona fetalai mai ai o ia, Ou te foai atu ia te outou mea paia a Tavita ua faamaoni lava.
35O le mea foi lea ua fetalai mai ai o ia i le tasi salāmo, E te le tuu atu lou tagata paia ia oo i ai le pala.
36O Tavita foi, ina ua uma ona auauna i le finagalo o le Atua i lona lava tupulaga, ua moe ia, ma ua faatasiina atu i ona tamā, ua oo foi ia te ia le pala.
37A o le na toe faatuina mai e le Atua, ua le oo ia te ia le pala.
38O lenei, sema e, le au uso e, ia outou iloa ua folafolaina ia te outou le faamagaloina o agasala ona o lenei tagata;
39o tagata uma foi o e faatuatua e ta‘uamiotonuina i latou ia te ia i mea uma lava na le mafai ona ta‘uamiotonuina ai outou i le tulafono a Mose.
40O lenei, ia outou, ne‘i oo ia te outou le mea ua fai mai ai perofeta,
41O outou o e ‘ino‘ino, ina vaai mai ia, ma ofo, ma mou ia; auā ou te faia lava e a‘u se galuega i ona aso o outou, o le galuega e ui ina faamatalaina ai ia te outou e se tasi, tou te le talitonu i ai.
42Ua o i latou i fafo o le sunako o tagata Iutaia, ona faatoga atu lea e tagata o nuu ese ia folafolaina mai ia upu ia te i latou i le sapati atali.
43Ua tuua le faapotopotoga, ona mulimuli lea ia Paulo ma Panapa o tagata e toatele o Iutaia ma e ua lotu ua matatau i le Atua; ua la tautala atu, ma apoapoai ia te i latou, ina ia tumau i le alofa tunoa o le Atua.
44Ua oo i le sapati ona tāli o uma mai lea o le nuu e faalogo i le afioga a le Atua.
45Ua iloa e Iutaia le motu o tagata, ona matuā matataua lea o i latou, ma latou upu ese mai i mea ua fai atu ai Paulo, ua upu ese ma upu leaga ia Iesu.
46Ona faamalosi atu lea o Paulo ma Panapa, ua faapea atu, Ua tatau lava ona ua muai folafolaina atu le afioga a le Atua ia te outou; a ua outou tetee mai ai, ma ua ta‘uleaogaina outou e outou i le ola e faavavau, faauta, o le mea lea ma te liliu atu ai i tagata o nuu ese.
47Auā ua faapea ona poloai mai o le Alii ia te i matou, Ua ou tofia oe e fai ma malamalama o nuu ese, ina ia avea oe ma faaolataga e oo i le tulu‘iga o le lalolagi.
48Ua faalogo tagata o nuu ese, ona olioli ai lea, ma vivii atu i le afioga a le Alii; ua faatuatua foi i latou uma lava e ua saunia i le ola e faavavau.
49Ua logo atu foi le afioga a le Alii i lea nuu uma lava.
50A ua faalalo ane e Iutaia i fafine e matatau i le Atua, ma sa‘o tamaitai, ma sa‘o alii o le aai, ma latou faatupu le sauaga ia Paulo ma Panapa, ma tutuli atu ia te i laua i lo latou tuaoi.
51A ua tūtū atu e i lana le eleele nai o laua vae ia te i latou, ona o atu ai lea o i laua i Ikonio.
52A ua tutumu le au soo i le olioli ma le Agaga Paia.
Who We AreWhat We EelieveWhat We Do
2025 by iamachristian.org,Inc All rights reserved.
